Gomati chakras:  గోమతి చక్రం అంటే లక్ష్మీదేవికి ఎంతో ప్రీతిపాత్రమైనది.  గోమతి చక్రం ద్వారా నిత్యజీవితంలో వచ్చే సమస్యలను ఎలా బయటపడవచ్చు మనం తెలుసుకుందాం.. లక్ష్మీదేవి సముద్రం నుంచి ఉద్భవించింది. అలాగే గోమతి చక్రాలు కూడా సముద్రం నుంచి ఉద్భవించాయి.. అందుకే గోమతి చక్రాలు అంటే లక్ష్మీదేవికి ఎంత ప్రీతికరం. పూజా మందిరంలో గోమతి చక్రాన్ని ఉంచినట్లయితే లక్ష్మీ కటాక్షం సులభంగా కలుగుతుంది. ఈ గోమతి చక్రాలు చక్రమాకారము కలిగి ఉంటుంది. లక్ష్మీదేవికి ఎంతో ఇష్టమైన గోమతి చక్రాలను  చిన్నపిల్లలకి ఎలాంటి దృష్టి దోషాలు ఉన్నా సరే ఆ దృష్టి దోషాలన్నీ కూడా తొలగింప చేసుకోవాలంటే మంగళవారం రోజు ఒక గోమతి చక్రం తీసుకొని వాళ్ల మెడలో ధరింపజేయాలి. చిన్న పిల్లల మెడలో గోమతి చక్రాలు వేసినట్లయితే వాళ్ళకి ఎలాంటి దృష్టి దోషాలు ఉన్నా ఎలాంటి పీడలున్న వాటి నుంచి బయటపడతారు. అలాగే గోమతి చక్రాలని భార్య భర్తలు నిద్రించే బెడ్ కింద ఉంచినట్లయితే  వారి మధ్య ఎటువంటి గొడవలు లేకుండా అన్యోన్యంగా ఉంటారు.ఉద్యోగస్తులకు ప్రమోషన్స్ లభిస్తాయి. 

2 గోమతి చక్రాలను బీరువాలో కానీ పర్సులో కానీ ఉంచితే ధనాభివృద్ధి ఉండి ఎప్పుడూ దనానికి లోటుండదు.. ఈ గోమతి చక్రాలను తాగే నీటిలో వేసుకుని రోజు ఆ నీటిని తాగినట్లయితే ఎలాంటి రోగాలు దరి చేరవు.. ఈ గోమతి చక్రాన్ని ఆడవారైనా మగవారైనా లాకెట్ లాగా ధరిస్తే నరదిష్టి, నరగోష నుంచి బయటపడవచ్చు.. జన ఆకర్షణ కూడా జరుగుతుంది. అలాగే కొంతమంది ఇంటి నిర్మాణాన్ని నిర్మించేటప్పుడు గృహ నిర్మాణానికి ఆటంకాలు ఏర్పడుతూ ఉంటాయి.  అలాంటప్పుడు గోమతి చక్రాలు 11 తీసుకుని వచ్చి ఇంటి నిర్మాణం జరిగేటటువంటి స్థలంలో చక్కగా మట్టి తీసి అందులో ఉంచినట్లయితే గృహ నిర్మాణాన్ని ఏర్పడేటటువంటి ఆటంకాలన్నీ తొలగింప చేసుకోవచ్చని శాస్త్రాల్లో చాలా చక్కగా వివరించారు. అందుకే చాలామంది గృహిణులు గోధుమలు దాచి ఉంచుకునేటటువంటి డబ్బాలలో గోమతి చక్రాలను ఉంచుతారు. ఏ ఇంట్లో అయితే మహిళా మణులు గోమతి చక్రాలు గోధుమలు ఉన్నటువంటి డబ్బాలో ఉంచుతారో.. ఆ ఇంట్లో అన్నపానాలకు ఎలాంటి లోటు ఉండదని శాస్త్రాల్లో చాలా చక్కగా వివరించారు..

మూడు గోమతి చక్రాలని పసుపు రంగు వస్త్రంలో చక్కగా మూటలాగా కట్టి ఆ మూటను వ్యాపార స్థలం ముందు తగిలించండి. ఇలా చేస్తే తొందర్లోనే మీ వ్యాపార స్థలానికి కొనుగోలు దారులు ఎక్కువవుతారు. వ్యాపారం మూడు పువ్వులు ఆరు కాయలుగా విరాజిల్లుతుందని చెప్పటంలో ఏమాత్రం సందేహం లేదు. అలాగే ఇంటికి ఎలాంటి దృష్టి దోషాలున్నా గృహానికి ఉన్నటువంటి దృష్టి దోషాలను తొలగింప చేసుకోవాలంటే చక్కగా ఐదు గోమతి చక్రాలను తెచ్చుకొని ఆ ఐదు గోమతి చక్రాలను ఎరుపు రంగు వస్త్రంలో మూటగట్టి మీ ఇంటి ముందు తగిలించండి. ఇంటికి ఎలాంటి దిష్టి దోషం ఉన్న దిష్టి దోషం నుంచి చాలా సులభంగా బయటపడొచ్చు. ఇలా ప్రత్యేకమైన విధివిధానాలతో లక్ష్మీదేవికి ప్రతిపాత్రమైన గోమతి చక్రాలు ఉపయోగించండి.. సకల శుభాలను సిద్ధింప చేసుకోండి..