సమ్మర్ లో వాతావరణం చాలా వేడిగా ఉంటుంది. ఇంట్లో కూడా ఎంతో ఉక్క పోతగా ఉంటుంది. చెమటలు కూడా ఎక్కువగా పడుతూ ఉంటాయి. ఇలాంటి టైం లో ఏసీ, కూలర్లు,ఫ్యాన్ లు ఎక్కువగా వాడుతూ ఉంటాము. అయితే మీ ఇంటి ని సహజంగా చల్లగా మార్చుకోవటానికి ఏసీలు, కూలర్లు కన్నా చౌకైనా మార్గాల గురించి ఎప్పుడైనా మీరు ఆలోచించారా.

వేసవిలో కలబంద చర్మాన్ని చల్లగా ఉంచడమే కాకుండా ఎలాంటి వడదెబ్బ లేక టా నింగ్ నుండి రక్షించడానికి ఎంతో సహాయపడుతుంది. అందుకే కలబంద మొక్కని ఇంటి లోపల ఉంచితే ఈ మొక్క ఇండోర్ గాలి ఉష్ణోగ్రతను తగ్గిస్తుంది. ఎంతో ప్రాచుర్యం పొందిన లివింగ్ రూమ్ మొక్కలలో అరేకా ప్లాంట్ ఒకటి. ఇది ఒక అలంకారమైన ఇండోర్ ప్లాంట్. ఇది చూడటానికి ఎంతో అందంగా ఉంటుంది.

పేరుకు తగ్గట్టుగానే చైనీస్ ఎవర్ గ్రీన్ మొక్క ఎప్పటికీ ఆకుపచ్చగానే ఉంటూ ఇంటిని చల్లగా ఉంచుతుంది.ఇంట్లో వేడి ఎక్కువగా ఉన్నట్లయితే ఈ మొక్కలను పెంచుకుంటే చాలా మంచిది. ఈ మొక్కలు వేడిగాలని పీల్చుకొని   వాతావరణాన్ని చల్లబరుస్తుంది..

రబ్బర్ ప్లాంట్ ఈ మొక్కకు పెద్దపెద్ద ఆకులు ఉంటాయి. ఇది ఎక్కువగా చల్లదనాన్ని ఇస్తుంది.ఈ మొక్క ఉండే నేల మరీ పొడిగాను మరీ తడిగాను లేకుండా చూసుకోవాలి. నీళ్లను ప్రతిరోజు తక్కువ మోతాదులో పోస్తూ ఉండాలి. స్పైడర్ ప్లాంట్ పేరు కొద్దిగా విచిత్రంగా అనిపించిన ఈ మొక్కను మాత్రం మీరు ఈజీగా పెంచుకోవచ్చు. మీరు ఈ మొక్కను ఎలా ఉంచినా కూడా అది హాయిగా పెరుగుతూ ఉంటుంది.

ఇంట్లో వేడి కచ్చితంగా తగ్గాలి అనుకునే వారు ఈ మొక్కను మీ ఇంట్లో ఉంచుకోండి. ఫొథోస్ లేక డెవిల్స్ మొక్క ఇది మనీ ప్లాంట్ జాతికి చెందినది. ఈ మొక్క కోసం ప్రత్యేకంగా శ్రద్ధ పట్టాల్సిన అవసరం కూడా లేదు.చిన్న మొక్క నాటితే చాలు దానంతట అదే పెరుగుతూ ఉంటుంది. ఈ మొక్కల ఆకులు హృదయ ఆకారంలో ఉంటాయి. ఇది ఇంటిని కూడా చల్లగా ఉండేలా చేస్తుంది..