బతుకమ్మ కుంట సుందరీకరణపై మున్సిపల్ చైర్‌పర్సన్ బాలమణి శ్రీనివాస్ ప్రత్యేక దృష్టి

జ‌న‌గామ‌, అక్టోబర్ 09 (క్విక్ టుడే న్యూస్‌):

పట్టణంలోని బతుకమ్మ కుంటను సుందరంగా తీర్చిదిద్దేందుకు మున్సిపల్ చైర్‌పర్సన్ కడకంచి బాలమణి శ్రీనివాస్ ప్రత్యేక శ్రద్ధ తీసుకున్నారు. బతుకమ్మ కుంట పరిసరాలను పరిశుభ్రంగా ఉంచి, ప్రజలకు ఆహ్లాదకరమైన వాతావరణం కల్పించేలా చర్యలు చేపట్టాలని సూచించారు. ఈ సందర్భంగా బతుకమ్మ కుంట పరిసరాలను పరిశీలించిన మున్సిపల్ ఛైర్పర్సన్ పారిశుధ్య నిర్వహణ, పరిసరాల శుభ్రతపై ప్రత్యేక దృష్టి సారించాలని సంబంధిత సిబ్బందికి సూచించారు. బతుకమ్మ కుంటను పరిశుభ్రంగా, ఆకర్షణీయంగా ఉంచేందుకు నిరంతరం పర్యవేక్షణ చేపట్టాలని పేర్కొన్నారు. ఈ కార్యక్రమంలో కౌన్సిల్లర్లు, మున్సిపల్ కమిషనర్‌తో పాటు ఇతర సిబ్బంది పాల్గొన్నారు.