కోట్లాది మంది విశ్వాసమే నా అతిపెద్ద బలం : ప్రధాని మోదీ

ముఖ్యమంత్రిగా, ప్రధానమంత్రిగా ప్రభుత్వ అధినేతగా 25 ఏళ్ల ప్రస్థానాన్ని పూర్తి చేసుకున్న సందర్భంగా ప్రధాని నరేంద్ర మోదీ దేశ ప్రజలకు కృతజ్ఞతలు తెలిపారు. తన రాజకీయ జీవితంలోని ప్రతి అనుభవం ఎన్నో విలువైన పాఠాలు నేర్పిందని, ప్రతి విజయం మరింత ఉన్నత లక్ష్యాల వైపు నడిపించిందని చెప్పారు. “దేశం నాకు ఎంతో ఇచ్చింది. అందుకే దేశం పట్ల నా బాధ్యత మరింత ఎక్కువ. నాపై దేశ ప్రజలకే అత్యధిక హక్కు ఉంది. 25 ఏళ్ల అనుభవమే నా గొప్ప ఆస్తి. అది నాది కాదు.. దేశానికి చెందుతుంది” అని అన్నారు. 2001 అక్టోబర్ 7న గుజరాత్ సీఎంగా ప్రమాణం చేసిన రోజును గుర్తుచేసుకున్న మోదీ, ప్రభుత్వ అధినేతగా 25 ఏళ్లు కొనసాగుతానని అప్పట్లో ఊహించలేదన్నారు. ప్రజల నిరంతర ఆశీర్వాదాలే ఈ ప్రస్థానానికి కారణమని పేర్కొన్నారు. కీర్తి, ప్రతిష్ఠల కంటే దేశ సేవకే ప్రాధాన్యం ఇస్తానని స్పష్టం చేశారు.