ఎండాకాలం సమయం మొత్తాన్ని వసంత కాలం అంటాం. వసంత ఋతువు కాలం వచ్చే సమయానికి గుర్తుగా కొందరు హోలీ జరుపుకుంటారు. దానికి స్వాగతం పలుకుతారు. ఒక్కోచోట ఒక్కో విధంగా హోలీ పండుగకు విశిష్టత ఉంది. హోలీ పండుగ వెనుక చాలా కథలు కూడా ప్రాచుర్యంలో ఉన్నాయి. అవేంటో తెలుసుకుందాం రండి. 

ప్రహ్లాదుడి తండ్రి హిరణ్యకశ్యపుడు శివుడి భక్తుడు. కానీ.. హిరణ్యకశ్యపుడి కొడుకు ప్రహ్లాదుడు మాత్రం విష్ణువు భక్తుడు. విష్ణువు అంటే పడని హిరణ్యకశ్యపుడు.. శివుడిని మాత్రమే పూజించాలని ప్రహ్లాదుడిని హెచ్చరిస్తాడు. ప్రహ్లాదుడు మాత్రం అస్సలు వినడు. తను విష్ణువునే పూజిస్తుంటాడు. 

దీంతో ప్రహ్లాదుడిని చంపే పనిని హోలికా రాక్షసికి అప్పగిస్తాడు హిరణ్యకశ్యపుడు. ప్రహ్లాదుడిని చంపేందుకు.. హోలికా రాక్షసి ప్రయత్నిస్తుంది. ప్రహ్లాదుడిని.. హోలికా రాక్షసి మంటల్లో వేస్తుంది. కానీ.. ప్రహ్లాదుడికి ఏం కాదు. శ్రీమహావిష్ణువు అతడిని కాపాడుతాడు. అదే మంటల్లో హోలికా రాక్షసి పడి అంతం అవుతుంది. 

హోలికా రాక్షసి పీడ విరగడ కావడంతో అప్పటి నుంచి ప్రజలు.. హోలి పండుగను జరుపుకుంటారని పురాణాలు చెబుతున్నాయి. ఇదొక్కటే కాదు.. మరో కథ కూడా ప్రాచుర్యంలో ఉంది. శివుడు తపస్సు చేస్తున్న సమయంలో ఆయన తపస్సుకు ఆటంకం కలిగించాలని కామదేవుడు ప్రయత్నిస్తాడు. శివుడి మీద పూల బాణాలు ప్రయత్నిస్తాడు. దీంతో శివుడికి కోపం వస్తుంది.

తన తపస్సుకే భగ్నం కలిగిస్తావా అని శివుడు ఆగ్రహంతో తన మూడో కన్ను తెరిచి కామదేవుడిని నాశనం చేస్తాడు. కామదేవుడి శరీరం బూడిద అవుతుంది. తన భర్తను శివుడు భస్మం చేశాడని తెలుసుకున్న కామదేవుడి భార్య రతీ దేవి.. శివుడికి ప్రార్థనలు చేస్తుంది. తన భర్తను తిరిగి బతికించాలని కోరుతుంది. దీంతో కామదేవుడిని తిరిగి బతికిస్తాడు శివుడు.

అలా.. హోలీ ముందు రోజు కాముడి దహనం వేడుకలను జరుపుకోవడం ఆనవాయితీగా వస్తోంది. హోలీ పండుగను ఇప్పుడు కాదు.. సత్య యుగం నుంచి ప్రజలు జరుపుకుంటున్నారట. హోలీని హోళికా పూర్ణిమ అని కూడా పిలుస్తారు. ఈ పండుగ ఫాల్గుణ మాసంలో పౌర్ణమి రోజు వస్తుంది. దీన్ని డోలికోత్సవం అని కూడా పిలుస్తారు.

డోలికోత్సవం అంటే.. శ్రీకృష్ణుడు.. గోపికలతో కలిసి హోలీ పండుగను పువ్వులు, రంగులతో బృందావనంలో జరుపుకున్నాడని చెబుతుంటారు. ఎదుటివారి మీద రంగులు చల్లడం, పూలు చల్లుకోవడం వల్ల ప్రేమ, సౌభాగ్యం వెల్లివిరుస్తుందని పెద్దలు నమ్ముతారు. అందుకే హోలీ నాడు రంగులు చల్లుకుంటారు.