Jakka Venkat Reddy: గిరిజనుల ఆరాధ్య దైవం సంత్‌ సేవాలాల్‌ మహరాజ్‌

పీర్జాదిగూడ‌ మేయర్ జక్క వెంకట్ రెడ్డి

పీర్జాదిగూడ‌, క్విక్ టుడే : గిరిజనుల ఆరాధ్య దైవం సంత్‌ సేవాలాల్‌ మహరాజ్ అని పీర్జాదిగూడ‌ మేయర్ జక్క వెంకట్ రెడ్డి అన్నారు. పీర్జాదిగూడ మున్సిపల్ కార్పొరేషన్ పరిధిలోని సేవాలాల్ బంజార వెల్ఫేర్ అసోసియేష‌న్ ఆధ్వర్యంలో నిర్వహించిన సంత్‌ సేవాలాల్‌ మహరాజ్‌ 285వ జయంతి వేడుకలలో ముఖ్య అతిథిగా మేయర్ జక్క వెంకట్ రెడ్డి హాజరయ్యారు. ఈ సందర్బంగా ఆయన మాట్లాడుతూ.. యావత్‌ భారతదేశం గర్వించదగ్గ ఆధ్యాత్మికవేత్త సేవాలాల్‌ మహారాజ్ అని అభివర్ణించారు.

బంజారాల ఆరాధ్యదైవం సంత్‌ శ్రీ సేవాలాల్‌ మహరాజ్‌ నాగరిక సమాజానికి దూరంగా ఉంటూ అటవీ ప్రాంతాల్లో జీవిస్తున్న గిరిజనులకు దిశానిర్దేశం చేసిన మహనీయుడు. బంజారాల ఆలోచన, వారి జీవన విధానంలో మార్పులు తీసుకొచ్చిన మహానుభావుడు సేవాలాల్‌ మహరాజ్‌. సాంఘిక సమానత్వం కావాలంటూ, బంజారాలు ఆర్థికంగా బలపడాలంటూ పలు బోధనలు చేశారని సమాజానికి ఆయన చేసిన సేవలను కొనియాడారు. వారి ఆలోచనలకు అనుగుణంగా మాజీ ముఖ్యమంత్రి కేసీఆర్ సంత్ సేవాలాల్ జయంతి వేడుకలను అధికారికంగా నిర్వహించార‌ని పేర్కొన్నారు.

తండాలను గ్రామ పంచాయతీలుగా మార్చి అభివృద్ధి చేయడం, ఆత్మగౌరవ ప్రతీకగా బంజారా భవన్ నిర్మించి లంబాడీల జీవన విధానం, సంస్కృతిని తెలిపే విధంగా గ్యాలరీలు ఏర్పాటు చేసి, బంజారాల అభ్యున్నతికి ఎంతో కృషి చేశారని గుర్తుచేశారు. ఈ కార్యక్రమంలో కార్పొరేటర్లు సుభాష్ నాయక్, బైటింటి శారదా ఈశ్వర్ రెడ్డి, దొంతిరి హరిశంకర్ రెడ్డి, నాయకులు ఈశ్వర్ రెడ్డి, పాశం బుచ్చియాదవ్, అసోసియేషన్ సభ్యులు, ప్రజలు పాల్గొన్నారు.

Tags:

Jakka Venkat Reddy: గిరిజనుల ఆరాధ్య దైవం సంత్‌ సేవాలాల్‌ మహరాజ్‌

పీర్జాదిగూడ‌ మేయర్ జక్క వెంకట్ రెడ్డి

Related Posts

Join Us @ Social Media

Latest News