Metro Rail : ఉగాది పండుగ పురస్కరించుకొని మెట్రో ప్రయాణికులకు హైదరాబాద్ మెట్రో సంస్థ శుభవార్త అందించింది. సూపర్ సేవర్ హాలిడే కార్డ్, సూపర్ ఆఫ్ పీక్ అవర్ ఆఫర్లు, మెట్రో స్టూడెంట్ పాస్ లకు గడువును పొడిగిస్తున్నట్లు ప్రకటించింది. ప్రయాణికులు ఈ అవకాశాన్ని మరో 6 నెలలపాటు సద్వినియోగం చేసుకోవాలని కోరింది. 
అయితే ఇప్పటి వరకు ఉన్న సూపర్ సేవర్ హాలిడే మెట్రో కార్డ్, మెట్రో స్టూడెంట్ పాస్, సూపర్ పీక్ అవర్ ఆఫర్లు మార్చి 31, 2024తో ముగియగా మరో 6 నెలల పాటు దీనిని పొడిగిస్తున్నట్లు హైదరాబాద్ మెట్రో రైల్ ఎండీ ఎన్వీఎస్ రెడ్డి తెలిపారు.
అయితే సూపర్ సేవర్ మెట్రో హాలిడే కార్డు ద్వారా ఆదివారాలు, ప్రభుత్వ సెలవు దినాల్లో కేవలం రూ.59కే రోజంతా ప్రయాణించే అవకాశం ఉంటుంది. మెట్రోలో నగరంలో ఏ మూల నుంచి ఏ మూలకైనా ప్రయాణం చేసేందుకు ఎటువంటి పరిమితులు లేవని తెలిపారు.
సూపర్ ఆఫ్ పీక్ అవర్ ఆఫర్ స్కీమ్ ఉదయం 6 నుంచి 8 గంటల మధ్య, రాత్రి 8 నుంచి చివరి మెట్రో వరకు ఈ ఆఫర్ ఉంది. ఈ ఆఫర్ ప్రకారం సాధారణ కార్డు ద్వారా టికెట్ తీసుకుంటే 10 శాతం రాయితీ ఉంటుంది. వీటితోపాటు మెట్రో స్టూడెంట్ పాస్ లపై కూడా మెట్రో రాయితీని యథావిధిగా అందుబాటులో ఉంచింది.Latest News
13 May 2025 13:09:44
క్విక్ టుడే, న్యూస్ :- ప్రస్తుతం ప్రపంచంలోని ప్రతి ఒక్కరికి కూడా ఒత్తిడి కారణంగా జుట్టు రాలుతున్న సమస్య ఉంది. ప్రతి 1000 మందిలోని వంద మందికి...
