అలాగే మరి కొంతమంది కాలానికి అనుగుణంగా వారి ఆలోచనలకు పదును పెట్టి సరికొత్త ఉపాయాలతో మంచి ఆదాయాన్ని పొందుతున్నారు. మరి ముఖ్యంగా వ్యవసాయ రంగంలో ఆధునికంగా వచ్చిన మార్పులతో మంచి ఆదాయాన్ని ఆశిస్తున్నవారు చాలామంది ఉన్నారు.

మన తాతల కాలంలో వ్యవసాయం అనేది చాలా కష్టంగా ఉండేది. అంతేకాక శారీరక శ్రమ కూడా ఎక్కువగానే ఉండేది. దీంతో ఆనాటి కాలంలో వ్యవసాయం చేయాలంటే మనిషికి మనిషి అవసరమే ఎక్కువగా కనిపించేది. కానీ ఇప్పుడు కాలం మారింది. వ్యవసాయం చేసే విధానంలో కూడా అనేక మార్పులు చోటు చేసుకున్నాయి.

కానీ ప్రస్తుతం పెరుగుతున్న టెక్నాలజీతో వరి కోత మిషన్లు వచ్చాయి. దీంతో ఒక్కరోజులోనే ధాన్యాలు ఇంటికి చేరుతున్నాయి. ఇక మిగిలిన గడ్డి విషయానికి వస్తే వరికట్టలు కట్టడానికి కూడా మిషన్లు అందుబాటులోకి వచ్చాయి. ఇక ఈ వరి గడ్డి కట్టలు కట్టే ప్రత్యేక యంత్రాలతో రైతులకు సైతం శారీరక శ్రమ తగ్గిపోతుంది.

అయితే ప్రస్తుత కాలంలో ఈ టెక్నాలజీ విపరీతంగా పెరుగుతుందని చెప్పాలి. ఈ నేపద్యంలోనే పలువురు దీనిని బిజినెస్ గా మలుచుకుని ఆదాయాన్ని పొందుతున్నారు.ఈ క్రమంలోనే ఈ గడ్డి చుట్టే యంత్రాన్ని ఉపయోగించి ఆదాయాన్ని పొందుతున్న రైతు గురించి ఈరోజు మనం తెలుసుకోబోతున్నాం.

తెలంగాణ వ్యాప్తంగా రైతులు ఎక్కువ మొత్తంలో పండించే పంట వ‌రి. ఈ వ‌రిని కోసేందుకు వ‌రికోత మిష‌న్లు ఉండ‌గా ప్ర‌స్తుతం పొలంలో ఉండే వ‌రిగ‌డ్డిని క‌ట్ట‌లుగా క‌ట్టేందుకు కూడా మిష‌న్లు వ‌చ్చేశాయి. వ‌రిగ‌డ్డ క‌ట్ట‌లు క‌ట్టే మిష‌న్‌కు దాదాపు రూ. 3 లక్షల వ‌ర‌కు ఉంటుంది.

ఇక ఈ యంత్రాన్ని ట్రాక్టర్ కు ఏర్పాటు చేసుకుని ఉపయోగిస్తారు. ఇక ఈ మిషన్ ను ఎలా న‌డుపాల‌నే దానిపై పూర్తిగా శిక్ష‌ణ షోరూం వాళ్ళు ఇస్తారు. ఇక ఈ యంత్రానికి పెద్దగా రిపేరు ఖర్చులు కూడా ఉండ‌వు. ఇక యంత్రానికి కావాల్సింది ముందే ఉపయోగించిన ఆయిల్ , గడ్డి చుట్టేందుకు ఒక పురికోస.. 

ఈ యంత్రం ఉపయోగించి వరి కట్టలు కట్టడం వలన రైతుల నుండి ఒక కట్టకు 30 రూపాయలు తీసుకుంటున్నారు. అయితే ఈ యంత్రం ఉపయోగించి గంటలో దాదాపు 60 కట్టలను కట్టేయవచ్చట. ఈ విధంగా సీజన్ లో రోజుకి ఈ యంత్రంతో దాదాపు 500 వరకు వరిగడ్డి కట్టలను కట్టవచ్చు. ఈ లెక్క ప్రకారం ప్రతిరోజు దాదాపు 15 వేల రూపాయలు ఆదాయం పొందవచ్చు.

వరి సాగు సీజన్ లో ఈ మిషన్ కు మరింత డిమాండ్ ఉంటుంది. కాబట్టి ఆ సమయంలో మరింత సంపాదించే అవకాశం ఉంది. అలాగే వరిగడ్డి కట్టలు కట్టే సీజన్  దాదాపు 2 నుంచి 3 నెలల వరకు ఉంటుంది కాబట్టి ఈ మూడు నెలల్లోనే మీరు భారీ మొత్తంలో ఆదాయాన్ని పొందవచ్చు.

ఈ విధంగా కాలానికి అనుగుణంగా మనం కూడా మారుతూ ఎన్నో రకాలుగా లబ్ధి పొందవచ్చు. మరి ఇంకెందుకు ఆలస్యం మీకు కూడా వ్యవసాయంపై ఆసక్తి ఉంటే ఈ విధంగా బిజినెస్ ను ప్రారంభించవచ్చు. లేదా వ్యవసాయ రంగంపై అవగాహన , ఆసక్తి ఉన్నవారికి దీనిని షేర్ చేయండి.