భద్రాద్రి కొత్తగూడెం జిల్లా ప్రతినిధి, క్విక్ టుడే : మహబూబాబాద్ పార్లమెంట్ కాంగ్రెస్ పార్టీ అభ్యర్థిగా అలాగే ముఖ్యమంత్రి రేవంత్ రెడ్డి పర్యటన నేపథ్యంలో భాగంగా భద్రాచలం విచ్చేసిన
మాజీ కేంద్రమంత్రి మహబూబాబాద్ పార్లమెంటు కాంగ్రెస్ పార్టీ అభ్యర్థి పోరిక బలరాం నాయక్ స్వామివారిని దర్శించుకుని ప్రత్యేక పూజలు నిర్వహించారు. అనంతరం సోమవారం ముఖ్యమంత్రి రేవంత్ రెడ్డి పర్యటన నేపథ్యంలో భద్రాచలంలో జరుగుతున్న ఏర్పాట్లను సమీక్షించారు. ఈ సందర్భంగా బూర్గంపాడు మాజీ జడ్పిటిసి బట్ట విజయ గాంధీ ఎంపీ అభ్యర్థి బలరాం నాయక్ ను మర్యాదపూర్వకంగా కలుసుకొని శాలువాతో సన్మానించారు.

ఎంపీ అభ్యర్థి బలరాం నాయక్ తో తెలంగాణ రాష్ట్ర వైద్యారోగ్య శాఖ మాజీ  డైరెక్టర్ డాక్టర్ పి.సాంబశివరావు, మాజీ గ్రంధాలయ ఛైర్మన్ భోగాల శ్రీనివాస్ రెడ్డి, కుమార్ మండల కాంగ్రెస్ పార్టీ అధ్యక్షులు నరేష్ ,పార్టీ నాయకులు, కార్యకర్తలు తదితరులు ఉన్నారు. అలాగే సభ ప్రాంగణం పర్యవేక్షకులు పొంగులేటి క్యాంప్ కార్యాలయం ఇంచార్జ్ తుంబూరు దయాకర్ రెడ్డి, భోగాల శ్రీనివాస్ రెడ్డి, బుడగం శ్రీనివాసరావు -పోతురెడ్డి వెంకటేశ్వర రెడ్డి, సతీష్  తదితరులు పాల్గొన్నారు.