Worshiping Dog : మనది హిందూ దేశం. ఈ దేశంలో హిందువులకు చాలా మంది దేవుళ్లు ఉన్నారు. ఎవరికి ఇష్టమైన దేవుడికి వాళ్లు పూజలు చేస్తారు. ఇంట్లో దేవుళ్ల ఫోటోలు, విగ్రహాలు పెట్టుకుంటారు. గుళ్లకు వెళ్లి దేవుడికి పూజలు చేస్తారు. మనం ఎవరినైనా చేతులెత్తి మొక్కుతాం అంటే.. పూజలు చేస్తాం అంటే అది దేవుడికి మాత్రమే. దేవుడిని మనం గుండెల్లో పెట్టుకొని పూజించుకుంటాం.

దేవుడికి చెల్లించాల్సిన మొక్కులు ఎప్పటికప్పుడు చెల్లించుకుంటూ దేవుడా మమ్మల్ని మంచిగా చూడు. ఆరోగ్యంగా ఉండేలా చూడు. అష్టైశ్వార్యాలు ప్రసాదించు అని వేడుకుంటాం.  దేవుడిని పూజించడం కొత్తేమీ కాదు. అది అందరూ ఎంతో భక్తిశ్రద్ధలతో చేస్తుంటారు. దేవుడిని పూజిస్తే మనకు మంచి జరుగుతుందని నమ్ముతాం.

కానీ.. కుక్కలను ఎవరైనా పూజిస్తారా? కుక్కకు పూజిస్తే మంచి జరుగుతుంది అంటే నమ్ముతారా? నిజానికి చాలామంది నమ్మరు. అసలు బయట కుక్క కనిపిస్తే చాలు.. తరిమి తరిమి కొడతాం. కాలితో తంతాం. కుక్కలను చూస్తేనే అసహ్యించుకుంటాం. కానీ.. మనకు కుక్కలా కనిపించే శునకాలను చాలామంది పూజిస్తారు. వాటికి పూజలు చేస్తారు. దేవుళ్లకు ఎలా పూజలు చేస్తారో.. అలాగే కుక్కలకు కూడా చాలామంది పూజలు చేస్తుంటారు.

మీరు ఏదైనా గుడికి వెళ్లినప్పుడు.. ఆ గుడి ముందు కాలభైరవుడి విగ్రహం చూసే ఉంటారు కదా. శునకం కూడా కాలభైరవుడికి ప్రతిరూపం అని నమ్ముతారు. అందుకే శునకాలకు కొందరు పూజలు చేస్తుంటారు. కుక్కలకు పూజలు చేస్తే నేరుగా ఆ కాల భైరవుడికి పూజలు చేసినట్టే అని నమ్ముతారు కొందరు భక్తులు. 

Worshiping Dog : శునకానికి పూజ చేస్తే కుజ దోషం పోతుంది

నిజానికి కాలభైరవుడి ప్రతిరూపం అయిన కుక్కకు పూజలు చేస్తే కుజ దోషం పోతుందట. అంటే.. శునకానికి పూజలు చేయడం ఉత్తమం అని.. మంచి ఫలితాలు ఇస్తుందని పండితులు చెబుతున్నారు.  అంతెందుకు.. గురువుగా పూజించే దత్తాత్రేయ స్వామి దగ్గర కూడా శునకం ఉంటుంది. అది దత్తాత్రేయుడి అనుగ్రహం పొందింది కాబట్టే దానికి పూజలు చేస్తుంటారు. నార్త్ ఇండియాలోనూ చాలాచోట్ల కుక్కలను రొట్టెలతో పూజిస్తుంటారు. 

కుక్కలకు పూజలు చేస్తే అకాల మృత్యువు నుంచి తప్పించుకోవచ్చని అంటుంటారు పెద్దలు. దానికి కారణం.. మహాభారతం ప్రారంభ సమయంలో యముడు కుక్క రూపంలో వచ్చాడని చెబుతుంటారు. ఇలా.. కుక్కకు మన పురాణాల్లో విశిష్ట స్థానమే ఉంది. అందుకే చాలామంది కుక్కలకు పూజలు చేస్తుంటారు. తెలుగు రాష్ట్రాల్లో కూడా చాలామంది శునకాలకు పూజలు చేస్తుంటారు.

చాలామంది తీర్థయాత్రలు చేసి వచ్చిన తర్వాత కుక్కలకు పూజలు చేస్తారు. ఏదైనా దూరప్రాంతాలకు తీర్థయాత్రలకు వెళ్లిన వాళ్లు.. ఇంటికి క్షేమంగా తిరిగి వచ్చిన తర్వాత కాల భైరవుడికి ధన్యవాదాలు తెలిపేందుకు ఇలా కాల భైరవుడి ప్రతిరూపం అయిన శునకానికి పూజలు చేసి ఆయనకు ధన్యవాదాలు తెలుపుతారు. అందుకే కుక్కలకు ఒక పండుగ రోజు కూడా పెట్టారు పెద్దలు. కోర్ల పున్నమి నాడు కుక్కల కోసం కుడుములు తయారు చేసి వాటికి ఆహారంగా వేస్తారు.

దానికి కారణం.. మన ఇంట్లో ఉన్న బాధలన్నీ పోవాలని.. దోషాలన్నీ పోవాలని కుక్కలకు కుడుములు ప్రసాదంగా వేస్తారు. ఇలా.. ఒక్కో చోట ఒక్కో ఆచారం అమలులో ఉంటుంది. తెలుగు రాష్ట్రాల్లో ఒక ఆచారం.. నార్త్ ఇండియాలో మరో ఆచారం.. ఇలా పలు చోట్ల పలు రకాలుగా కుక్కలను భక్తిశ్రద్ధలతో పూజిస్తారు. ముఖ్యంగా కుజ దోషం పోవాలన్నా, గురువు దత్తాత్రేయుడి అనుగ్రహం కావాలన్నా కుక్కలకు పూజలు చేయాలని పెద్దలు చెబుతుంటారు.