నాచారం, క్విక్ టుడే : ఫిబ్రవరి 15న జరిగిన కేంబ్రిడ్జ్ స్కూల్ కాంక్లేవ్ - సౌత్ ఏషియా, ఎక్సలెన్స్ రికగ్నిషన్ అవార్డ్స్ వేడుకలో నాచారంలోని ఢిల్లీ పబ్లిక్ స్కూల్ కు ప్రతిష్టాత్మక ‘ది ఇన్నోవేటివ్ టీచింగ్ ఎక్సలెన్స్,  ‘బెస్ట్ కేంబ్రిడ్జ్ స్కూల్ ఫర్ ఎర్లీ ఇయర్స్ ఎడ్యుకేషన్’  ‘ది అవుట్ స్టాండింగ్ అచీవ్మెంట్ అవార్డు-సౌత్ ఏషియా’ అనే మూడు అవార్డులు ద‌క్కాయి. ఈ నేప‌థ్యంలో సోమ‌వారం స్కూల్ క్యాంపస్ లో మీడియా సమావేశం ఏర్పాటు చేశారు. ఢిల్లీ పబ్లిక్ స్కూల్ ప్రిన్సిపాల్ సునీత రావు మాట్లాడుతూ.. ఈ అవార్డులు రావడం తమకెంతో ఆనందంగా, ప్రోత్సాహాన్ని అందించాయన్నారు.

గత దశాబ్ద కాలంగా నిబద్ధత, అంకితభావంతో విద్యను అందిస్తున్నామన్నారు. స్కూల్ యాజమాన్య నిబద్ధత, ఉపాధ్యాయుల అంకిత భావం, విద్యార్థుల కోసం రూపొందిస్తున్న పరిశోధనాత్మక కరిక్యులమ్, హై స్టాండర్డ్స్ కు గుర్తింపుగా లభించాయని సునీత రావు  అన్నారు. విద్యను అందించడంలో డైరెక్టర్ మల్కా పల్లవి, సీఈఓ మల్కా యశస్వి  ఎప్పుడూ కొత్త ఒరవడికి నాంది పలుకుతుంటారని, విద్యార్థుల బంగారు భవిష్యత్తు కోసం నిరంతరం కృషి చేస్తున్నారని డిపిస్ చైర్మన్ మల్కా కొమరయ్య తెలిపారు.