తొలి విడత ఐపీఎల్ మాత్రం ఇండియాలోనే జరుగుతోంది. రెండో విడత మాత్రం ఎక్కడ జరుగుతుందో ఇంకా క్లారిటీ రావడం లేదు. ఇలా.. ఒక్క రంగంలోనే కాదు.. ఎన్నికల కారణంగా చాలా రంగాల్లో పలు మార్పులు చోటు చేసుకుంటున్నాయి. సాధారణంగా ఎండాకాలం అంటే చాలు పలు కాంపిటేటివ్ పరీక్షలను నిర్వహిస్తుంటారు. ముఖ్యంగా సెట్ పరీక్షలు ఉంటాయి. ఏ రాష్ట్రంలో అయినా అవి కామన్. 

తెలంగాణలో ఇప్పుడు ఎంసెట్ ను ఈఏపీసెట్ గా పిలుస్తున్నారు. ఈఏపీ సెట్ అంటే.. ఇంజనీరింగ్, అగ్రికల్చర్, ఫార్మసీ(ఈఏపీ) సెట్ గా పిలుస్తున్నారు. మెడిసిన్ కోసం డైరెక్ట్ గా నీట్ పరీక్ష రాయాల్సి ఉంటుంది. ఎంసెట్ నుంచి మెడిసిన్ ఎంట్రెన్స్ ను తీసేయడంతో ఇప్పుడు ఎంసెట్ కేవలం ఇంజనీరింగ్, అగ్రికల్చర్, ఫార్మసీ చదివే విద్యార్థులు మాత్రమే ఈ పరీక్ష రాయాల్సి ఉంటుంది.  మెడిసిన్ చదివే విద్యార్థులు నీట్ రాస్తారు.

నీట్ ఇప్పుడు దేశ వ్యాప్తంగా ఒకే పరీక్ష నిర్వహిస్తారు. కాబట్టి అందులో వచ్చిన ర్యాంక్ ఆధారంగా మెడిసిన్ సీటు లభిస్తుంది. దేశవ్యాప్తంగా ఉన్న అన్ని కాలేజీల్లో సీటు పొందే అవకాశం ఉంటుంది. కాకపోతే కాంపిటిషన్ ఎక్కువగా ఉంటుంది.  అయితే.. నీట్ పరీక్షకు సంబంధించిన షెడ్యూల్ మార్పు గురించి ఇప్పటి వరకు ఎలాంటి సమాచారం లేదు. కేవలం తెలంగాణ ఈఏపీ సెట్ పరీక్ష షెడ్యూల్ లో మాత్రం మార్పులు చోటు చేసుకున్నాయి. 

TS EAMCET 2024 : కొత్త తేదీలను ప్రకటించిన తెలంగాణ ఉన్నత విద్యా మండలి

తెలంగాణ ఎంసెట్, ఐసెట్, ఈసెట్ లను తెలంగాణ ఉన్నత విద్య మండలి నిర్వహిస్తుంది. దాని ఆధ్వర్యంలోనే ఈ పరీక్షల నిర్వహణ జరుగుతుంది. ఇప్పటికే తెలంగాణ ఎంసెట్ పరీక్ష షెడ్యూల్ విడుదల అయినా.. పార్లమెంట్ ఎన్నికల నేపథ్యంలో మార్పులు చేసినట్టు టీఎస్సీహెచ్ఈ ప్రకటించింది. 

కొత్త షెడ్యూల్ ప్రకారం.. తెలంగాణ ఎంసెట్ లో భాగంగా ఇంజనీరింగ్ ఎంట్రెన్స్ పరీక్షలు మే 9, 10, 11 తేదీల్లో జరగనున్నాయి. ఇక.. ఎంసెట్ లో భాగంగా అగ్రికల్చరల్, ఫార్మసీ ఎగ్జామ్స్ మే 7, 8 తేదీల్లో జరగనున్నాయి.

ఇక.. తెలంగాణ ఐసెట్ పరీక్షను జూన్ 4, 5 వ తేదీన నిర్వహించాలని భావించినా.. జూన్ 5, 6 తేదీల్లో నిర్వహిస్తున్నట్టు విద్య మండలి ప్రకటించింది.  ఈసెట్ మే నెలలో 9, 12 వ తేదీన జరగాల్సి ఉంది. కానీ.. కొత్త తేదీల ప్రకారం మే 7 నుంచి 11 తేదీల వరకు జరుగుతాయి.