అందుకే చాలామంది యూత్ తమ కాళ్ల మీద తామే నిలబడుతున్నారు. సిటీలకు వెళ్లి కోచింగ్ లు తీసుకున్నా తీసుకోకున్నా.. ఏదో ఒక చిన్న పార్ట్ టైమ్ జాబ్ చేసుకుంటూ తమ అవసరాలకు కావాల్సిన డబ్బును తామే సంపాదించుకుంటున్నారు. ఒకప్పుడు ఏదైనా పార్ట్ టైమ్ జాబ్ చేయాలంటే చాలా కష్టాలు పడాల్సి వచ్చేది. ఎవ్వరూ ఇచ్చేవారు కాదు. కానీ.. నేడు స్మార్ట్ ఫోన్ ఉంటే చాలు. చాలా జాబ్స్ ఉన్నాయి.

ఎంతో కష్టపడాలి. ఏళ్లకు ఏళ్లు చదవాలి. అందుకే ఓ యువకుడు జొమాటో డెలివరీ బాయ్ గా పని చేస్తూనే సివిల్స్ కు ప్రిపేర్ అవుతున్నాడు. ఫుడ్ డెలివరీ చేసే సమయంలో కూడా స్మార్ట్ ఫోన్ లో యూపీఎస్సీకి సంబంధించిన వీడియోలు చూస్తూ వెళ్తున్నాడు. ట్రాఫిక్ జామ్ అయితే ఆ సమయంలో కూడా సివిల్స్ కు సంబంధించిన వీడియోలే చూస్తున్నాడు. ఎంతో అటెన్షన్ తో యూపీఎస్సీ లెక్చర్స్ ను ఆ యువకుడు వింటున్నాడు.  

Zomato Delivery Boy : ఇంతకు మించిన మోటివేషన్ ఉంటుందా?

ఆ యువకుడు ఫుడ్ డెలివరీ చేసేందుకు వెళ్తుండగా మార్గమధ్యంలో ట్రాఫిక్ జామ్ అవుతుంది. దీంతో వెంటనే తన మొబైల్ లో సివిల్స్ కు సంబంధించిన వీడియోలను ఆన్ చేసుకొని ఎంతో జాగ్రత్తగా వింటూ ఉంటాడు. ఆ యువకుడి బైక్ పక్కనే ఉన్న ఆయుష్ సంఘీ అనే వ్యక్తి వీడియో తీసి.. కష్టపడి చదవాలి అని చెప్పేందుకు ఇంతకంటే బెస్ట్ మోటివేషన్ ఇంకేం ఉంటుంది అని క్యాప్షన్ పెట్టి ఆ వీడియోను ట్విట్టర్ లో షేర్ చేశాడు. 

ఆ వీడియో ప్రస్తుతం సోషల్ మీడియాలో తెగ వైరల్ అవుతోంది. ఆ వీడియోపై నెటిజన్లు రకరకాలుగా స్పందిస్తున్నారు. కొందరైతే బైక్ మీద చదువు ఏంటి అంటూ హేళన చేయగా.. మరికొందరు చదువు విలువ తెలిసిన వాళ్లు ఒక్క నిమిషం కూడా వృథా చేయరు. తమ లక్ష్యం కోసం ఎక్కడ ఉన్నా సరే.. పోరాడుతూనే ఉంటారు.

తమ లక్ష్యం చేరుకునే వరకు ఎన్ని అడ్డంకులు వచ్చినా అస్సలు పట్టించుకోరు.. అంటూ నెటిజన్లు తమకు నచ్చినట్టుగా కామెంట్లు చేస్తున్నారు. ఏది ఏమైనా నేటి యూత్ తమ లక్ష్యాన్ని చేరుకోవడానికి చాలా కష్టపడుతున్నారు. ఉన్న రిసోర్సులను కూడా ఉపయోగించుకుంటున్నారు. అందుకే దేశంలోనే అత్యంత క్లిష్టమైన పరీక్ష సివిల్స్ ను చేధించడానికి ఎవ్వరూ వెనక్కి తిరిగి చూడటం లేదు.