ఆ వాహ‌నాల్లో ప్రయాణిస్తు న్న వాహ‌న‌దారులు గల్లంతయ్యారు. ప్రమాదం జ‌రిగిన సమయంలో ఆరుగురు కార్మికులు బ్రిడ్జీపై గుంత‌లు పూడుస్తున్నారు. ఈ సిబ్బంది కూడా నదిలో పడిపోయారు. వంతెన కూలిన ప్ర‌మాదంలో అధికారులు ఇద్దరిని కాపాడారు. ఈ ప్ర‌మాదంలో నదిలో పడిపోయిన వాహనాలు 15 మీటర్ల లోతులో ప‌డిపోయాయి. గ‌ల్లంతైన వారి వివ‌రాలు ఇంకా తెలియ‌లేద‌ని అక్క‌డి అధికారులు పేర్కొన్నారు.
నీళ్లు కూడా బాగా చల్లగా ఉండటంతో కారణంగా వారంతా దుర్మరణం చెందే అవకాశం ఉంటుంద‌ని వారు భావిస్తున్నారు. స్థానిక కాలమానం ప్రకారం సోమవారం అర్ధరాత్రి దాటాక ఈ దుర్ఘటన జరిగ‌డంతో ప్రమాద తీవ్ర‌త త‌క్కువ‌గా ఉంది. కాగా నౌకలోని సిబ్బంది మొత్తం భారతీయులే కావ‌డం విశేషం.
నౌకలో విద్యుత్ అంత‌రాయం ఏర్ప‌డ‌గానే వారు హుటాహుటిన ప్రమాద హెచ్చరికలు జారీ చేయడంతో ప్రమాద తీవ్ర‌త త‌క్కువ‌గా ఉంద‌ని అధికారులు చెబుతున్నారు. వెంటనే అప్ర‌మ‌త్త‌మైన అధికారులు వాహనాల‌ను బ్రిడ్జి పైకి వెళ్లకుండా చర్యలు తీసుకున్నారు. అంతేకాకుండా అర్ధరాత్రి ప్రమాదం సంభ‌వించ‌డంతో బ్రిడ్జిపై ట్రాఫిక్ కూడా పెద్ద‌గా లేదు. ప్రమాదం జ‌రిగిన సమయంలో నౌక గంటకు 15 కి.మీ. వేగంతో ప్ర‌యాణిస్తోంది.విద్యుత్ అంత‌రాయం కారణంగా ఒక్కసారిగా అదుపు తప్పి శరవేగంగా బ్రిడ్జికేసి దూసుకొచ్చి పిల్ల‌ర్‌ను ఢీకొట్టింది. దీంతో 2.6 కి.మీ. పొడ‌వు ఉన్న బ్రిడ్జి ఒక్కసారిగా క్ష‌ణాల్లోనే కూలిపోయింది. నౌకలో మంటలు చెలరేగ‌డంతో దట్టమైన పొగలు క‌మ్ముకున్నాయి. ఈ ప్రమాదం జ‌రిగిన వీడియో సోషల్ మీడియాలో వైర‌ల్ అవుతోంది. ఇది అనూహ్య ఘ‌ట‌న అని మేరీలాండ్ గవర్నర్ వెస్ మూర్ పేర్కొన్నారు.
ఈ ప్రమాదం జ‌రిగిన తీరు సినిమా షూటింగ్ సీన్‌ను త‌ల‌పించింద‌ని బాల్టిమోర్ మేయర్ బ్రాండన్ స్కాట్ పేర్కొన్నారు. ప్రమాద ఘ‌ట‌న‌కు విద్యుత్ స‌ర‌ఫ‌రా అని ప్రాథ‌మికంగా తెలిసిన కార‌ణం అయిన్ప‌టికీ దీనిపై లోతుగా ద‌ర్యాప్తు చేప‌డుతామ‌ని ఆయ‌న మీడియాతో తెలిపారు. ప్ర‌మాదానికి గురైన గ్రీస్ ఓషియన్ ప్రైవేట్ లిమిటెడ్‌కు చెందిన డాలీ నౌక సినర్జీ మెరైన్ గ్రూప్ నిర్వ హణలో ఉంది.
ప్రఖ్యాత డెన్మార్క్ షిప్పిం గ్ కంపెనీ 'మెర్క్స్'కు 'కు చెందిన సరుకుతో బాల్టి మోర్ రేవు నుంచి శ్రీలం క రాజధాని కొలంబోకు ఈ నౌక వెళ్తోంది. ఈ నౌకలో ఇద్దరు పైలెట్లు స‌హా మొత్తం 22 మంది సిబ్బంది భారతీయులే సినర్జీ మెరైన్ గ్రూప్ తెలిపింది. అయితే వీరంతా ప్రమాదం నుంచి సుర‌క్షితంగా బ‌య‌ట‌ప‌డిన‌ట్లు వెల్ల‌డించింది. ప్ర‌మాదానికి గురైన ఈ బ్రిడ్జినీ 1977లో నిర్మించారు.
