కానీ ఈ నిద్ర మీ ఆరోగ్యానికి ప్రమాదకరం అని చాలామందికి తెలియదు. కుంభకర్ణుడిలా నిద్రించటం వల్ల కలిగే నష్టాలు చాలా ఉన్నాయి. మానవ శరీరానికి ఏడు నుంచి ఎనిమిది గంటలు నిద్ర సరిపోతుంది. కానీ ఖాళీగా ఉన్నాము కదా అని అదే పనిగా కొందరు నిద్రపోతారు. ఇది ఆరోగ్యానికి ఎంతో హానికరం. రోజుకు 7 నుండి 8 గంటల వరకు నిద్ర మనిషి ఆరోగ్యంగా ఉండేందుకు దోహదం చేస్తాయి.
మీరు ఆరోగ్యంగా ఉండాలి అనుకుంటే ఏడు నుండి ఎనిమిది గంటలు నిద్ర చాలా ముఖ్యం.కానీ కొందరు మాత్రం 10-12 గంటల వరకు కూడా నిద్రపోతూనే ఉంటారు. అధికంగా నిద్రపోవటం కూడా ఆరోగ్యానికి మంచిది కాదు అని మీకు తెలుసా. అవును ఎక్కువసేపు నిద్రపోవడం వల్ల కూడా ఆరోగ్యానికి మంచిది కాదు అని నీపుణులు అంటున్నారు.
మీరు ఆరోగ్యకరమైన జీవితం కావాలి అనుకుంటే ఏడు నుంచి ఎనిమిది గంటలు నిద్రపోవటం చాలా అవసరం. ఇది మిమ్మల్ని మానసికంగా, శారీరకంగా,దృఢంగా ఉంచడానికి సహాయపడుతుంది.సరైన నిద్ర తర్వాత మేల్కొన్నప్పుడు మీరు చాలా రిలాక్స్ గా ఉంటారు. ఆ రోజంతా కూడా ఎంతో హాయిగా గడిచిపోతుంది. మీ పనిని మీరు ఎంతో ఉత్సాహంగా ఒక కొత్త మార్గంలో ప్రారంభించి ఆ పనిని పూర్తి చేస్తారు.
మీరు సంపూర్ణంగా నిద్రపోవటం వలన మర్నాడు అలసట అనేది ఉండదు.నీరసం అనేది కూడా మీ దరికి చేరదు. కానీ చాలా తక్కువ సమయం లేక ఎక్కువ సమయం నిద్రపోవడం కూడా అంత మంచిది కాదు.8 గంటలకంటే ఎక్కువ నిద్రపోయే వారిలో బ్రెన్ స్ట్రోక్ వచ్చే అవకాశాలు ఎక్కువగా ఉన్నాయి అని పలు అధ్యయనాలు తెలిపాయి..
ఎక్కువసేపు నిద్రపోవడం వల్ల కూడా బరువు పెరుగుతారు. వెన్ను నొప్పి,తలనొప్పి లాంటి సమస్యలు కూడా వస్తాయి. డయాబెటిస్,గుండె జబ్బులు వచ్చే అవకాశాలు కూడా ఎక్కువగా ఉన్నాయి.అప్పుడు శరీరం కూడా కొవ్వును ఎక్కువగా నిల్వ చేసుకుంటుంది. దీని ఫలితంగా గుండె సమస్యలు ఎదుర్కోవాల్సి వస్తుంది అని హెచ్చరిస్తున్నారు.
ఎక్కువసేపు నిద్రపోయేవారులో డిప్రెషన్ తీవ్రమైన తలనొప్పి లాంటి సమస్యలు కూడా వస్తాయి అని అంటున్నారు. ఎక్కువగా నిద్రపోయే వారిలో వృద్ధాప్య లక్షణాలు త్వరగా వస్తాయి అని తెలిపారు.అంతేకాక ఎక్కువ నిద్రపోయేవారు విపరీతమైన అలసటను కూడా అనుభవిస్తారు.వీళ్లకు ఏ చిన్న పని కూడా చేయబుద్ధి కాదు. ఎలాంటి చిన్న పనులు చేసినా కూడా అలసిపోతుంటారు అని నిపుణులు తెలిపారు..
