Maharatra : మ‌హారాష్ట్ర అసెంబ్లీ కీల‌క బిల్లుకు ఆమోదం

మరాఠా రిజర్వేషన్‌ బిల్లుకు ఆమోదం

ముంబై : సార్వత్రిక ఎన్నికలు స‌మీపిస్తున్న వేళ మహారాష్ట్ర అసెంబ్లీ కీలక బిల్లుకు ఆమోదం తెలిపింది. మంగ‌ళ‌వారం ఒక్కరోజు ప్రత్యేక అసెంబ్లీ సమావేశాన్ని ఏర్పాటు చేసి బిల్లు ఆమోదింప‌జేసింది. మరాఠా రిజర్వేషన్‌ బిల్లుకు ఆ రాష్ట్ర‌ అసెంబ్లీ ఏకగ్రీవంగా ఆమోదం తెలిపింది. మరాఠా సామాజిక వర్గానికి విద్యా, ఉద్యోగాల్లో 10 శాతం రిజర్వేషన్ క‌ల్పించేందుకు షిండే ప్రభుత్వం మంగళవారం అసెంబ్లీలో మ‌రాఠా రిజ‌ర్వేష‌న్ బిల్లును ప్రవేశపెట్టి ఆమోదించింది.

సామాజిక, విద్యాపరంగా వెనుకబడిన వారికి ఈ రిజర్వేషన్లు వ‌ర్తిస్తాయి. మహారాష్ట్ర వెనకబడిన తరగతుల కమిషన్ ఈ బిల్లుకు సంబంధించిన పూర్తి నివేదికను శుక్రవారమే ప్రభుత్వానికి అందజేసింది. సుమారు రూ. 2.5 కోట్ల కుటుంబాలను సర్వే చేసి ఈ నివేదికను తయారు చేసిన‌ట్లు తెలిపింది. ఈ నివేదిక‌లో మరాఠా సామాజిక వర్గానికి సంబంధించిన వెనుక‌బాటుత‌నం పూర్తి సమాచారాన్ని పేర్కొంది. మహారాష్ట్ర జనాభాలో 28 శాతం మరాఠాలు ఉన్నారని ముఖ్యమంత్రి ఏక్‌నాథ్‌ షిండే అసెంబ్లీలో స్ప‌ష్టం చేశారు. సుమారు 2.5 కోట్ల మం‍ది మరాఠాలపై స‌మ‌గ్ర‌ సర్వే చేసిన అనంత‌రం ఈ నిర్ణ‌యం తీసుకున్న‌ట్లు తెలిపారు.

మంగళవారం మరాఠా రిజర్వేషన్‌ బిల్లు కోసమే అసెంబ్లీ ప్రత్యేక సమావేశం ఏర్పాటు చేసిన‌ట్లు తెలిపారు. అసెంబ్లీలో ఆమోదం పొందిన బిల్లును చట్టబ‌ద్ధ‌త క‌ల్పించి మరాఠాల‌కు రిజర్వేషన్ అవ‌కాశం క‌ల్పిస్తామ‌ని ఏక్‌నాథ్‌ షిండే స్పష్టం చేశారు. మరాఠా రిజర్వేషన్‌ బిల్లు అసెంబ్లీలో ఏకగ్రీవంగా ఆమోదం పొందినందున‌ బీజేపీ, శివసేన కార్యకర్తలు సంబురాలు చేసుకుంటున్నారు. ఈ సంద‌ర్భంగా బాణాసంచా కాల్చి, స్వీట్లు పంచుకున్నారు.

Tags:

Maharatra : మ‌హారాష్ట్ర అసెంబ్లీ కీల‌క బిల్లుకు ఆమోదం

మరాఠా రిజర్వేషన్‌ బిల్లుకు ఆమోదం

Related Posts

Join Us @ Social Media

Latest News