Nalgonda : 13న భారీ బహిరంగ సభను విజయవంతం చేయండి

నకిరేకల్ మాజీ ఎమ్మెల్యే చిరుమర్తి లింగయ్య

Nalgonda : నల్లగొండ జిల్లా ప్రతినిధి, ఫిబ్రవరి 8( క్విక్ టుడే ) : ఈనెల 13న నల్లగొండలో నిర్వహించే బిఆర్ఎస్ భారీ బహిరంగ సభకు కార్యకర్తలు నాయకులు ప్రజలు అభిమానులు అధిక సంఖ్యలో హాజరై విజయవంతం చేయాలని నకిరేకల్ మాజీ ఎమ్మెల్యే చిరుమర్తి లింగయ్య,.టిఆర్ఎస్ రాష్ట్ర నాయకులు గుత్త అమిత్ రెడ్డి లు కోరారు. ఈనెల 13న ఛలో నల్ల‌గొండ భారీ బహిరంగ సభ పోస్టర్ ను నకిరేకల్ మాజీ ఎమ్మెల్యే చిరుమర్తి లింగయ్య, బీఆర్ఎస్ నాయకులు గుత్తా అమిత్ రెడ్డి ఆవిష్కరించారు.

809 కృష్ణా జలాల్లో తెలంగాణ హక్కుల పరిరక్షణ కోసం గులాబీ దళపతి కల్వకుంట్ల చంద్రశేఖర రావు పిలుపు మేరకు నకిరేకల్ నియోజకవర్గంలోని నకిరేకల్, నార్కట్ పల్లి మండలాల్లో బీఆర్ఎస్ సన్నాహక సమావేశాలు నిర్వహించారు. ఈ సమావేశాల్లో తెలంగాణ ఉద్యమకారులు డాక్టర్ చెరకు సుధాకర్ , షీప్స్ అండ్ గోట్స్ కార్పొరేషన్ మాజీ చైర్మన్ దూదిమెట్ల బాలరాజు యాదవ్, బీఆర్ఎస్ ముఖ్య నాయకులు పాల్గొన్నారు.