అంతేకాక ప్రస్తుతం కేవైసీ చేసుకోవడం ఆన్ లైన్ లో చాలా సులువుగా అయిపోతుంది. ఒకవేళ మీరు దీనిని అప్డేట్ చేసుకోవాలి అనుకుంటే మీ సమీప ప్రాంతంలో గల బ్యాంక్ , పోస్ట్ ఆఫీస్ లేదా ఆధార్ కేంద్రాలలో కూడా అప్డేట్ చేయించుకోవచ్చు. అయితే ఇటీవల ఆన్ లైన్ లో ఈ-కేవైసీ చేసుకునేందుకు అధికారులు XML ప్రవేశ పెట్టడం జరిగింది.
ఇక ఈ కార్డు గురించి ఎవరికి తెలియదు కానీ అసలు ఈ కార్డు ఎందుకు ప్రవేశపెట్టారు..? దీని వలన మనకు కలిగే ఉపయోగాలు ఏంటి..? దీనిని ఎలా డౌన్లోడ్ చేసుకోవాలి..? దీనికి సంబంధించిన పూర్తి వివరాలు మనం ఇప్పుడు ఇక్కడ తెలుసుకుందాం..
ఆఫ్ లైన్ ఆధార్ XML అంటే..
ఇది ఒక సెక్యూర్డ్ డాక్యుమెంట్.. దీనిని మీరు ఎక్కడైనా షేర్ చేసుకుని ఉపయోగించుకోవచ్చు. అంతేకాక దీనిలో మీ ఆధార్ కార్డుకు సంబంధించి వ్యక్తిగత డిజిటల్ సంతకం కూడా ఉంటుంది. ఇక ఈ కార్డులో మీ యొక్క పేరు అడ్రస్, ఫోటో , లింగం, పుట్టిన తేదీ తదితర వివరాలు ఉంటాయి. అయితే ఈ వివరాలన్నీ కూడా బేస్ 64 ఎన్ కోడ్ ఫార్మేట్ లో ఉంటాయి.
ఫోన్ లో ఎలా డౌన్లోడ్ చేయాలి...
ఈ XML కార్డు కోసం మీరు ధ్రువీకరణ చేసుకోవాలనుకుంటే ఆధార్ నెంబర్ లేకుండా ఆఫ్ లైన్ లో కూడా చేసుకోవచ్చు. కాబట్టి దీనిని మీరు ఫోన్ లో కూడా డౌన్లోడ్ చేసుకొని ఉపయోగించవచ్చు. UIDAI అధికారులు అందించిన సమాచారం ప్రకారం ఆధార్ కార్డు కలిగి ఉన్న ప్రతి ఒక్కరు కూడా ఈ సౌకర్యాన్ని వినియోగించుకోవచ్చు.అయితే దీనికోసం ముందుగా మీరు మీ ఫోన్ లో బ్రౌజర్ ఓపెన్ చేసి https://uidai.gov.in/offline-ekyc వెబ్ సైట్ లోకి వెళ్లాల్సి ఉంటుంది. వెబ్ సైట్ లోకి వెళ్లిన తర్వాత స్క్రీన్ పై ఇచ్చిన సెక్యూరిటీ కోడ్ ను మీ యొక్క ఆధార్ నెంబర్ లేదా వర్చువల్ ఐడి తో నమోదు చేసుకోవాల్సి ఉంటుంది.
అప్పుడు మీయొక్క రిజిస్టర్ మొబైల్ నెంబర్ లు ఓటిపి వస్తుంది.
ఈ ఓటీపీ ద్వారా మీరు XML ఓపెన్ చేయవచ్చు. పక్కనే డౌన్లోడ్ ఆప్షన్ కూడా ఉంటుంది. దానిపై క్లిక్ చేస్తే చాలు మీ యొక్క డిజిటల్ సంతకంతో కూడిన ఆఫ్ లైన్ ఆధార్ XML ను మీరు డౌన్లోడ్ చేసుకోవచ్చు.
ఉపయోగాలు...
ఈ కార్డు ద్వారా ఈవైసీ చేయించుకోవడం చాలా సులభతరం అవుతుంది. అంతేకాక మీరు ఈ కార్డును సర్వీస్ ప్రొవైడర్ తో కూడా షేర్ చేసుకోవచ్చు. అలాగే ఇది జనాభా సమాచారం కూడా కలిగి ఉండటం వలన ప్రమాణీకరణ కూడా చాలా సులభం అవుతుంది. ఇక్కడ మరో ప్రయోజనం ఏంటంటే మీరు ఈ XML ఫైల్ ని సర్వీస్ ప్రొవైడర్ ను కలవకుండా కూడా షేర్ చేసుకోవచ్చు.
అంతేకాక ఇది సెక్యూరిటీ పరంగా కూడా చాలా స్ట్రాంగ్ గా ఉంటుంది. కాబట్టి మీకు మరింత భద్రత కల్పిస్తుంది. ఎందుకంటే ఇది మీ ఆధార్ నెంబర్ ను మరియు మీ వివరాలను చాలా గోప్యంగా ఉంచడం జరుగుతుంది. కావున మోసాలు జరిగే అవకాశాలు చాలా తక్కువగా ఉంటాయి.
