ఈ నేపథ్యంలోనే ఐపీఎల్ హిస్టరీలో అత్యధిక స్కోరు సాధించినన టీమ్ గా చరిత్రకెక్కింది. ఇక ఈ మ్యాచ్ లో ఓపెనర్ ట్రావిస్ హెడ్ సెంచరీ తో చేలరేగగా అతనికి క్లాసన్ కూడా తోడు కావడంతో చిన్న స్వామి స్టేడియం వేదికగా సునామీ సృష్టించారు. అనంతరం 288 భారీ లక్ష్యంతో బరిలో దిగిన RCB హోమ్ గ్రౌండ్ వేదికగా విజయం సాధించేందుకు విశ్వ ప్రయత్నాలు చేసినప్పటికీ ఫలితం దక్కలేదు.
కమ్మిన్స్ కు దక్కిన అరుదైన గౌరవం...
ఇప్పటికే వరుస విజయాలతో చాలా ఆనందంగా ఉన్న సన్ రైజర్స్ హైదరాబాద్ టీమ్ కి మరో గుడ్ న్యూస్ దక్కింది. సన్ రైజర్స్ హైదరాబాద్ జట్టు కెప్టెన్ పాట్ కమ్మిన్స్ కు అరుదైన గౌరవం లభించింది. 2023 విస్డెన్ క్రికెటర్ ఆఫ్ ది ఇయర్ గా కమ్మిన్స్ నిలిచాడు. తన జాతీయ జట్టు అయినటువంటి ఆస్ట్రేలియాకు ఐసీసీ వరల్డ్ కప్ అందించడమే దీనికి గల ప్రధాన కారణమని తెలుస్తోంది.
ఈ నేపథ్యంలోనే ఆ సంవత్సరం పాట్ కమ్మిన్స్ మొత్తం 42 టెస్ట్ మ్యాచ్లు ఆడగా, ఓ మ్యాచ్లో ఏకంగా 10 వికెట్లను పడగొట్టాడు .దీంతో 2023లో జట్టును అద్భుతంగా డ్రైవ్ చేయగలిగాడని పాట్ కమ్మిన్స్ పేరు మీదుగా ఈ అవార్డు ఎంపిక చేసినట్లు విస్డన్ ఎడిటర్ లారెన్స్ బూథ్ తెలియజేశారు..
అయితే 2012 తర్వాత ఓ ఆస్ట్రేలియా ప్లేయర్ కు ఇంతటి అరుదైన విస్డెన్ క్రికెటర్ ఆఫ్ ది ఇయర్ అవార్డు లభించడం ఇదే తొలిసారి అని చెప్పాలి. అంతకుముందు మైఖేల్ క్లార్క్ అని ఆస్ట్రేలియా ఆటగాడు ఈ అవార్డుకు ఎంపిక అయ్యాడు. ఆ తర్వాత మళ్లీ ఇప్పుడు ఈ అరుదైన గౌరవాన్ని SRH కెప్టెన్ పాట్ కమ్మిన్స్ దక్కించుకున్నాడు.
