ఇక ఈ మ్యాచ్లో టాస్ గెలిచిన హైదరాబాద్ బౌలింగ్ ఎంచుకోగా తొలుత బ్యాటింగ్ చేసేందుకు బరిలో దిగిన చెన్నై సూపర్ కింగ్స్ నిర్దేశిత 20 ఓవర్లలో 3 వికెట్లు నష్టపోయి 212 పరుగులు చేయగలిగింది. అనంతరం 213 పరుగుల భారీ లక్ష్యంతో బరిలో దిగిన సన్ రైజర్స్ హైదరాబాద్ 18.5 ఓవర్లలో కేవలం 134 పురుగులు మాత్రమే చేసి ఆల్ అవుట్ అయింది. దీంతో  చేధనలో సన్రైజర్స్ రెండో ఓటమి చవిచూసింది.

చెన్నై ఇన్నింగ్స్...

ఈ నేపథ్యంలోనే 134 పరుగుల వద్ద చెన్నై మరో వికెట్ సమర్పించుకుంది. 32 బంతుల్లో 7 ఫోర్లు ఒక సిక్స్ తో మిచెల్ 52 పరుగులు చేసి క్యాచ్ అవుట్ అయ్యాడు. అనంతరం రుతురాజ్ కీలక ఇన్నింగ్స్ ఆడుతూ 54 బంతుల్లో 10 ఫోర్లు 3 సిక్స్ లతో 98 పరుగులు చేసి సెంచరీకి రెండు పరుగుల దూరంలో అవుట్ అయ్యాడు. దీంతో 200 పరుగుల వద్ద చెన్నై మూడో వికెట్ ను కోల్పోయింది.

ఇక ఎప్పటిలాగే సిక్సర్ల దూబే చివర్లో మెరుపులు మెరిపించగా 20 బంతుల్లో 39 పరుగులు సాధించాడు. అనంతరం చివరి ఓవర్ లో మైదానంలోకి అడుగుపెట్టిన ఎంఎస్ ధోని 2 బంతుల్లో 5 పరుగులు సాధించాడు. దీంతో చెన్నై సూపర్ కింగ్స్ నిర్దేశిత 20 ఓవర్లలో 3 వికెట్లు నష్టపోయి 212 పరుగులు సాధించింది. ఇక హైదరాబాద్ బౌలర్ల విషయానికొస్తే భువనేశ్వర్ కుమార్ ఒకటి, జయదేవ్ ఉనద్కత్ ఒకటి నటరాజన్ ఒక వికెట్ పడగొట్టారు.

హైదరాబాద్ ఇన్నింగ్స్...

అనంతరం 213 పరుగుల లక్ష్యంతో బరిలో దిగిన హైదరాబాద్ అంతగా ఆకట్టుకోలేకపోయింది. హైదరాబాద్ ఓపెనర్లు ట్రావిస్ షెడ్ అభిషేక్ శర్మ స్వల్ప పరుగులు చేసి పెవిలియన్  బాట పట్టగా , ఎవరు కూడా స్కోర్ ని ముందుకు తీసుకెళ్లలేక పోయారు. ఈ క్రమంలోనే మార్కమ్ 26 బంతుల్లో నాలుగు బౌండరీలు సాధించి 32 పరుగులు చేయగా క్లాసన్ 21 బంతుల్లో 20 పరుగులు చేసి పెవిలియన్ చేరారు.

ఈ క్రమంలో వరుసగా వికెట్లు కోల్పోయిన హైదరాబాద్ 18.5 ఓవర్లలో 134 పరుగులు మాత్రమే సాధించి ఆల్ అవుట్ అయింది. దీంతో చెన్నై సూపర్ కింగ్స్ 78 పరుగుల భారీ తేడాతో  హోమ్ గ్రౌండ్ వేదికగా ఘన విజయం సాధించింది. ఇక చెన్నై బౌలర్ల విషయానికొస్తే తుషార్ దేశ్ పాండే 4 వికెట్లు పడగొట్టగా, పతిరాన మరియు ముస్తాఫిజర్ చెరో 2 వికెట్లు తీసుకున్నారు. జడేజా మరియు శార్దుల్ ఠాకూర్ చెరో వికెట్ తీసుకున్నారు.