Komati Reddy Venkat Reddy: రైస్ మిల్ల‌ర్ల‌కు మంత్రి హెచ్చ‌రిక‌.. మ‌ద్ద‌తు ధ‌ర చెల్లించ‌కుంటే మిల్లులు సీజ్‌

మిర్యాల‌గూడ‌లో యాజ‌మాన్యాకు వార్నింగ్ ఇచ్చిన కోమ‌టిరెడ్డి వెంక‌ట్‌రెడ్డి

Komati Reddy Venkat Reddy: నల్లగొండ జిల్లాప్రతినిధి. మార్చి 20. (క్విక్ టుడే) : తెలంగాణ రాష్ట్రంలో రైస్ మిల్లులు రైతుల‌కు మ‌ద్ద‌తు ధ‌ర చెల్లించాల‌ని, లేదంటే రైస్ మిల్లులు సీజ్ చేస్తామ‌ని రాష్ట్ర రోడ్లు, భవనాల శాఖ మంత్రి కోమటిరెడ్డి వెంక‌ట్ రెడ్డి హెచ్చ‌రించారు.

బుధవారం మిర్యాలగూడలో మంత్రి పలు దేవాలయాల ప్రారంభోత్సవం కార్య‌క్ర‌మంలో పాల్గొన్నారు. ఈ క్ర‌మంలో రైస్ మిల్లుల వద్ద ఆగి రైతులు పండించిన ధాన్యం కొనుగోలు జరుగుతున్న తీరుతెన్నులను పరిశీలించారు. ఈ సందర్భంగా రైతులు తమ ధాన్యం మద్దతు ధరకు కొనుగోలు చేయడం లేదని మంత్రికి ఫిర్యాదు చేశారు.

వెంట‌నే స్పందించిన మంత్రి వెంకట్‌రెడ్డి డీఎస్‌వోతో ఫోన్‌లో మాట్లాడారు. తక్కువ ధరకి ధాన్యం కొంటున్న మిల్లు యజమాన్యంపై ఫిర్యాదు చేశారు. గ్రేడ్ ఏ 2,203, సాధారణ రకం రూ.2183 ప్ర‌భుత్వం మ‌ద్ద‌తు ధర నిర్ణ‌యించింద‌ని తెలిపారు. మిల్లర్లు రూ.1900 నుంచి 2వేల వరకే కొనుగోలు చేస్తున్నారని రైతులు చెబుతున్నారని, అలాగే సన్న రకం ధాన్యం రూ.2500 వరకు కొనుగోలు చేయాలని అధికారికి వివరించారు.

సన్న బియ్యం ఎక్కువ ధరకు అమ్ముకుంటున్న మిల్లర్లు సన్న వ‌రి ధాన్యానికి ఎందుకు మద్దతు ధర ఇవ్వడం లేద‌ని మండిపడ్డారు. ఇక‌పై ఇలాంటి సంఘ‌ట‌న‌లు పున‌రావృత‌మైతే రైస్ మిల్లులు సీజ్ చేయ‌డం ఖాయ‌మ‌ని హెచ్చ‌రించారు.

Tags:

Komati Reddy Venkat Reddy: రైస్ మిల్ల‌ర్ల‌కు మంత్రి హెచ్చ‌రిక‌.. మ‌ద్ద‌తు ధ‌ర చెల్లించ‌కుంటే మిల్లులు సీజ్‌

మిర్యాల‌గూడ‌లో యాజ‌మాన్యాకు వార్నింగ్ ఇచ్చిన కోమ‌టిరెడ్డి వెంక‌ట్‌రెడ్డి

Related Posts

Join Us @ Social Media

Latest News