శివ్వంపేట ఏప్రిల్ 17 (క్విక్ టు డే న్యూస్):- మండలంలోని పలు గ్రామాల్లో గురువారం సాయంత్రం ఉన్నట్టుండి ఒక్కసారిగా ఈదురు గాలులతో కూడిన భారీ వర్షం కురిసింది. ఈ సమయంలో వర్షంలో భారీ సైజులో ఉండే వడగండ్ల రాళ్లు కురవడంతో కోతకు వచ్చిన వరి పంటలు దెబ్బతిన్నాయి. కొన్ని గ్రామాలలో వరి పంటలు నేలకు ఒరుగగా, మరి కొన్ని గ్రామాల్లో వడగండ్లతో వడ్లు నేల రాలి, టమాట పంటలు తదితర ఆరు తడి పంటలు దెబ్బతిన్నాయి. రైతులు ఆరుగాలం కష్టపడి, పండించి పంట చేతికి వచ్చే దశలో కండ్ల ముందే వడగండ్ల వర్షం కురిసి వడ్లు నేల రాలడంతో మండల పరిధిలోని కొత్తపేట, పిల్లుట్ల, రత్నాపూర్, అల్లిపూర్ గ్రామాల రైతన్నలు ఆందోళనకు గురయ్యారు. అదేవిధంగా పలు గ్రామాల్లో విద్యుత్ అంతరాయం కలిగింది. ప్రభుత్వం స్పందించి, వ్యవసాయ అధికారులను క్షేత్రస్థాయికి పంపించి పంట నష్టం పై విచారణ జరిపి వర్షంతో పంట నష్టం జరిగిన రైతన్నలను ఆదుకోవాలని ఆయా గ్రామాలకు చెందిన రైతులు కోరారు.
Latest News
23 Apr 2025 13:59:30
పెబ్బేర్, ఏప్రిల్ 22 (క్విక్ టుడే న్యూస్): -ఇంట‌ర్మీడియ‌ట్ ఫలితాలలో మోడల్ కళాశాల పెబ్బేర్ ఉమ్మడి మ‌హ‌బూబ్‌న‌గ‌ర్ జిల్లాలోనే ప్ర‌థ‌మ స్థానాన్ని సాధించి స‌త్తాచాటుకుంది. ఇంటర్ ద్వితీయ...
