ప్రాణ ప్రతిష్ఠ కార్యక్రమానికి విరాళం అందజేత

శివ్వంపేట, మే 9 (క్విక్ టు డే న్యూస్):-మెదక్ జిల్లా శివ్వంపేట మండలంలోని గూడూరు గ్రామంలో శ్రీ గురు పీఠం చారిటబుల్ ట్రస్ట్ ఆధ్వర్యంలో నిర్మితమైన శ్రీ దత్తాత్రేయ మహాస్వామి – శ్రీ షిరిడి సాయిబాబా పంచవటి దేవాలయాల్లో జూన్ 3, 4, 5 తేదీలలో దివ్యమూర్తుల ప్రాణ ప్రతిష్ఠ మహోత్సవాలు నిర్వహించనున్నారు.ఈ కార్యక్రమానికి తన వంతుగా సహాయంగా, హైదరాబాద్‌లోని సెంచరీ హాస్పిటల్ మేనేజింగ్ డైరెక్టర్ డాక్టర్ వేణుగోపాల్ రూ. 51,000 విరాళాన్ని శ్రీ గురు పీఠం ప్రతినిధులకు అందజేశారు.

ఈ సందర్భంగా ట్రస్ట్ సభ్యులు మాట్లాడుతూ – డాక్టర్ వేణుగోపాల్ ఆయన కుటుంబ సభ్యులు ఆయురారోగ్యాలతో సుఖసంతోషాలతో ఉండాలని, శ్రీ దత్తాత్రేయ మహాస్వామి, షిరిడి సాయినాథుల అనుగ్రహం ఎల్లప్పుడూ ఉండాలని ప్రార్థిస్తున్నామని తెలిపారు. విరాళం అందించిన డాక్టర్ వేణుగోపాల్‌కు శ్రీ గురు పీఠం సభ్యులు హృదయపూర్వకంగా అభినందనలు తెలిపారు.

IMG-20250509-WA0012