విశాఖ ఉమ్మడి జిల్లా బ్యూరో (క్వైక్ టుడే న్యూస్):-టిడిపి రాష్ట్ర అధ్యక్షుడు పల్లా శ్రీనివాస్ పై తాను వ్యక్తిగతంగా న్యాయపోరాటం చేస్తున్నాను అని,ఈ పోరాటానికి కాంగ్రెస్, వైసిపి, సిపిఐ ,సిపిఎం, లోక్సత్తా మొదలైన పార్టీల మద్దతు కోరుతున్నట్టు తెలుగు శక్తి అధినేత బి.వి.రామ్ తెలిపారు. న్యూ కాలనీలోని సింకా గ్రాండ్ వద్ద జరిగిన సమావేశంలో ఆయన మీడియాతో మాట్లాడారు. ఈరోజు కాంగ్రెస్ పార్టీ మద్దతు కోరినట్లు చెప్పారు. ప్రజాస్వామ్యంలో ప్రశ్నిస్తే చంపేస్తామని గాజువాక టిడిపి నాయకులు బెదిరిస్తున్నారు. ఆయన మనుషులు నన్ను హత్య చేసేందుకు ప్రయత్నించారని,100 మంది ఒకేసారి దాడి చేసి చంపే ప్రయత్నం చేశారన్నారు. గాజువాకలో పోలీస్ స్టేషన్లో ఫిర్యాదు చేసినప్పటికీ కేసు నమోదు చేయలేదన్నారు. దీనిపై పోలీస్ కమిషనర్ను కలిశానని, ఆయన సానుకూలంగా స్పందించారన్నారు. ముఖ్యమంత్రి నారా చంద్రబాబు నాయుడు పై నాకు పూర్తి విశ్వాసం ఉందన్నారు.ఆయన దీనిపై దృష్టి సారించి తనపై జరిగిన దాడిని ఖండించాలని, హాటల్ లో జరిగిన దాడి సంఘటన వీడియో తెప్పించుకుని చూడాలని కోరారు. ఈ దాడి నా ఒక్కడి మీద జరిగింది కాదని, తెలుగు ప్రజలపై జరిగిన దాడిగా చూడాలన్నారు. పల్లా శ్రీనివాసరావు ఒక మాఫియా లా తయారయ్యడని చెప్పారు. అతనిపై సిబిఐ, కేంద్ర హోం మంత్రిత్వ శాఖకు ఫిర్యాదు చేశానన్నారు. తన ఎమ్మెల్యే పదవికి రాజీనామా చేసి పల్లా శ్రీనివాస్ సిబిఐ దర్యాప్తు కోరుకోవాలన్నారు. నేను ఎవరికీ భయపడనని అన్నారు, చివరిదాకా పోరాటం చేస్తానన్నారు. ఇది ప్రజాస్వామ్య ప్రభుత్వం అని భావించామని అయితే టిడిపి నాయకులు జగన్ కంటే అరాచకంగా తయారయ్యారన్నారు. శాంతియుతమైన విశాఖలో పల్లా శ్రీనివాసు అండ్ గ్యాంగ్, పల్లా కార్తీక్ పై లేనిపోని ఆరోపణలు చేస్తున్నారని, వెనక్కుండి నడిపిస్తారని అనడం సరికాదన్నారు. పల్లా శ్రీనివాస్ దగ్గర ఉన్న మురళి అతని వ్యవహారాలన్నీ చూస్తారని, సెటిల్మెంట్లు, కలెక్షన్ అన్ని అతనే చేస్తారన్నారు. పల్లా శ్రీనివాసపై హత్యాయత్నం కేసు నమోదు చేసి వెంటనే అరెస్టు చేయాలని డిమాండ్ చేస్తున్న అన్నారు. ఎమ్మెల్యే పదవి నుంచి భర్తరఫ్ చేయాలని ముఖ్యమంత్రిని కోరుతున్నాం అన్నారు. అన్ని పార్టీల మద్దతుతో న్యాయ పోరాటం కొనసాగిస్తానన్నారు. రక్షణ కోసం తాను పోలీస్ కమిషనర్ ని గన్ లైసెన్స్ కూడా అడుగుతానని చెప్పారు.