తొర్రూర్ మే 05(క్విక్ టుడే న్యూస్):- భారతీయ జనతా పార్టీ తోర్రూర్  మండల శాఖ ఆధ్వర్యంలో తొర్రూరు మండల ఎంపీడీవో పూర్ణచందర్ పాలకుర్తి నియోజకవర్గ అసెంబ్లీ కన్వీనర్ పూసాల శ్రీమాన్ వినతి పత్రం అందజేయడం జరిగింది. ఈ సందర్భంగా పూసాల శ్రీమాన్ మాట్లాడుతూ... తొర్రూరు మండలం, వెంకటాపురం గ్రామంలో రాజకీయ కక్షల కారణంగా ఓ అర్హుడైన బీజేపీ నాయకుడికి ఇందిరమ్మ ఇళ్లు మంజూరు అయినా దానిని గ్రామ కాంగ్రెస్ నాయకులు,ఆయన బిజెపి నాయకుడంటూ సర్వే చేసిన అధికారులను ఎమ్మెల్యే పీఎ తో ఫోన్ చేయించి తీవ్రంగా ఒత్తిడి చేసి, మంజూరైన ఇందిరమ్మ ఇళ్లను తీయించారు.ఈ ఘటనపై బిజెపి కార్యకర్తలు మండిపడుతూ అర్హత ఉన్న వ్యక్తికి రాజకీయ విద్వేషంతో ఇల్లు ఇవ్వకపోవడం దారుణమన్నారు.వెంటనే తగిన చర్యలు తీసుకోవాలని డిమాండ్ చేస్తూ,సామాజిక సంక్షేమ పథకాలను రాజకీయ ప్రయోజనాలకు వాడుకోవడం దురదృష్టకరమని వ్యాఖ్యానించారు.అర్హులందరికీ సమానంగా పథకాలు వర్తించాల్సిన అవసరాన్ని గుర్తు చేస్తూ ఈ వ్యవహారంపై ఉన్నతస్థాయి విచారణ జరిపించాలని కోరారు.అర్హులైన వారికి కాకుండా కేవలం కాంగ్రెస్ కార్యకర్తలకు ఇందిరమ్మ కమిటీ సభ్యులుగా ఉన్న వారి కుటుంబ సభ్యులకు మాత్రమే ఇచ్చుకోవడం సిగ్గుచేటు అని తెలిపారు.ఈ కార్యక్రమంలో రాష్ట్ర కౌన్సిల్ మెంబర్ రచ్చ కుమార్,జిల్లా కౌన్సిల్ మెంబర్ పల్లె కుమార్, తొర్రూరు మున్సిపల్ అధ్యక్షుడు ఫైండ్ల రాజేష్ , మండలం ప్రధాన కార్యదర్శి కొండ యాకన్న గౌడ్, దేవరకొండ విష్ణువర్ధన్ చారి మంగళ పెళ్లి యాకయ్య,నూకల నవీన్, శీలం శ్రీనాథ్,మార్క సందీప్, గోనే మహేష్,తదితరులు పాల్గొన్నారు.