అందుకే వేసవి సెలవుల్లో చాలామంది ఊటీని ఎంచుకుంటారు. హైదరాబాద్ నుంచి ఊటీ దగ్గర కావడంతో ఊటీకి వెళ్లి అక్కడ కొన్ని రోజులు సేద తీరుతారు. అయితే.. చాలామందికి ఊటీకి ఎలా వెళ్లాలో, అక్కడ ఎక్కడ ఉండాలో తెలియదు. అటువంటి వాళ్ల కోసమే ఐఆర్‌సీటీసీ సరికొత్త ప్యాకేజీని తీసుకొచ్చింది. ట్రాన్స్‌పోర్ట్, అకామడేషన్ కూడా అందిస్తోంది. 

ఈ ప్యాకేజీలో భాగంగా సికింద్రాబాద్ నుంచి ప్రయాణం ప్రారంభం అవుతుంది. ప్రతి మంగళవారం ఈ టూర్ ప్యాకేజీ ఉంటుంది. ఈ ప్యాకేజీలో భాగంగా స్లీపర్ క్లాస్, థర్డ్ ఏసీ బోగీల్లో టికెట్లు బుక్ చేస్తారు. ప్యాకేజీని బట్టి ప్యాకేజీ ధర మారుతుంది. థర్డ్ ఏసీ టికెట్ కావాలని అనుకునే వాళ్లకు సింగిల్ షేరింగ్ అయితే రూ.33020 ధర ఉంటుంది.

ఇద్దరు షేరింగ్ అయితే రూ.18480, ట్రిపుల్ షేరింగ్ అయితే రూ.14870 అవుతుంది. 5 నుంచి 11 సంవత్సరాల లోపు ఉన్న పిల్లలకు రూ.9430 ధర ఉంటుంది. స్టాండర్డ్ అంటే స్లీపర్ క్లాస్ లో భాగంగా సింగిల్ షేరింగ్ లో రూ.30560, ట్విన్ షేరింగ్ లో రూ.16020, ట్రిపుల్ షేరింగ్ లో రూ.12410, 5 నుంచి 11 సంవత్సరాల పిల్లలకు రూ.6970 తీసుకుంటారు. 

సికింద్రాబాద్ తో పాటు నల్గొండ, గుంటూరు, తెనాలి రైల్వే స్టేషన్లలోనూ ప్రయాణికులు రైలు ఎక్కొచ్చు. ప్రతి మంగళవారం మధ్యాహ్నం 12.20 కి శబరి ఎక్స్‌ప్రెస్ రైలు ఎక్కాల్సి ఉంటుంది. రెండో రోజు ఉదయం 8 గంటలకు కొయంబత్తూరు రైల్వే స్టేషన్ లో దిగాల్సి ఉంటుంది. 

కొయంబత్తూరు నుంచి 90 కిమీల దూరంలో ఉన్న ఊటీకి ఐఆర్సీటీసీ సిబ్బంది వాహనంలో తీసుకెళ్తారు. అక్కడికి వెళ్లాక హోటల్ లో కాసేపు రెస్ట్ తీసుకొని సాయంత్రం ఊటీ టూర్ కు తీసుకెళ్తారు. అలా మూడు రోజులు ఊటీ మొత్తం తిప్పాక.. నాలుగో రోజు ఉదయం కూనూర్ తీసుకెళ్తారు. రాత్రి ఊటీకి చేరుకొని ఐదో రోజు కొయంబత్తూర్ కు వచ్చి సాయంత్రం శబరి ట్రెయిన్ ఎక్కాల్సి ఉంటుంది. 

అయితే.. ఈ టూర్ లో బ్రేక్ ఫాస్ట్ మాత్రం ఉచితంగా అందిస్తారు. మధ్యాహ్నం, రాత్రి భోజనాలు మాత్రం ప్రయాణికులే చూసుకోవాల్సి ఉంటుంది. ఏదైనా ప్రదేశానికి వెళ్లినప్పుడు అక్కడ ఎంట్రీ టికెట్స్ ఉన్నా అవి ప్రయాణికులే చెల్లించాల్సి ఉంటుంది. గైడ్స్ ను కూడా యాత్రికులే చూసుకోవాలి. 

ఊటీ, కూనూర్ అందాలను చూడాలనుకుంటే.. మీకు ప్రయాణానికి సంబంధించి ఎలాంటి ఇబ్బందులు కలగకూడదు అనుకుంటే ఐఆర్సీటీసీ ప్యాకేజీ బెస్ట్ ప్లాన్ అవుతుంది. మరిన్ని వివరాలకు