మిర్యాలగూడ, మే 10 (క్విక్ టుడే న్యూస్):- దేశం కోసం ప్రాణత్యాగం చేసిన వీర జవాన్ మురళి నాయక్ కు కాంగ్రెస్ పార్టీ ఆధ్వర్యంలో శనివారం రాత్రి ఘనంగా నివాళులర్పించారు. స్థానిక గాంధీ విగ్రహం నుండి అమరవీరుల స్థూపం  వరకు కొవ్వొత్తులతో ప్రదర్శన ర్యాలీ నిర్వహించారు. కార్యక్రమంలో ఎమ్మెల్సీ శంకర్ నాయక్, ఎమ్మెల్యే భత్తుల లక్ష్మారెడ్డిలు పాల్గొని మురళి నాయక్ చిత్రపటానికి పూలమాల వేసి నివాళులు అర్పించారు. ఈ సందర్భంగా ఎమ్మెల్సీ కేతవత్ శంకర్ నాయక్, ఎమ్మెల్యే బత్తుల లక్ష్మారెడ్డిలు మాట్లాడుతూ  పాకిస్తాన్ తో జరుగుతున్న యుద్ధంలో, విరోచితంగా పోరాడుతూ వీరమరణం పొందిన గిరిజన బిడ్డ మురళి నాయక్ త్యాగం మరువలేనిది అని అన్నారు. వారి ఆశయ సాధన కోసం  పనిచేయాలని పిలుపునిచ్చారు. జమ్మూ కాశ్మీర్లో అమాయక ప్రజల పై కాల్పులు జరిపి ప్రాణాలు తీసిన ఉగ్రవాదుల పై ఉక్కు పాదం మోపాలని కోరారు. ఉగ్రవాద పాకిస్తాన్ దేశానికి యుద్ధంలో భారత్ తగిన గుణపాఠం చెప్పిందని అన్నారు. యుద్ధంలో వీరమరణం పొందిన మురళి నాయక్ కుటుంబానికి కేంద్ర, రాష్ట్ర ప్రభుత్వాలు అన్ని విధాలుగా అండగా నిలవాలని కోరారు. ఈ కార్యక్రమంలో మాజీ జెడ్పిటిసిలు, మాజీ ఎంపీపీలు, మాజీ కౌన్సిలర్లు, మాజీ సర్పంచులు, మిర్యాలగూడ నియోజకవర్గ కాంగ్రెసు పార్టీ నాయకులు, ఎంపీటీసీ, బ్లాక్ కాంగ్రెస్, మహిళా కాంగ్రెస్, యూత్ కాంగ్రెస్, కిసాన్ సెల్ నాయకులు, కార్యకర్తలు తదితరులు పాల్గొన్నారు.