తొర్రూరు,ఏప్రిల్ 11:- మండలంలోని హరిపిరాల గ్రామం లో గల జిల్లా పరిషత్ ఉన్నత పాఠశాల ప్రాంగణంలో శుక్రవారం జాతీయ మానవ హక్కుల మండలి స్వచ్ఛంద సేవ సంస్థల ఆధ్వర్యంలో జ్యోతిరావు,సావిత్రిబాయి పూలే జయంతి వేడుకలు ఘనంగా జరిగాయి.ఈ సందర్భంగా జ్యోతిరావు సావిత్రిబాయి పూలే విగ్రహాల కమిటీ అధ్యక్షులు తలారి అశోక్ అధ్యక్షతన పూలమాలవేసి నివాళులు అర్పించారు.అనంతరం మహబూబాబాద్ జిల్లా కోఆర్డినేటర్ నేషనల్ హ్యూమన్ రైట్స్ కౌన్సిల్ ఎన్జీవో తలారి మధువన్ మాట్లాడుతూ..జ్యోతిరావు పూలే తన జీవితాంతం సామూహిక ఆర్థిక సాంస్కృతిక రాజకీయ శక్తులను విశ్లేషించడంలో అవిశ్రాంతగా కృషిచేసి పోరాటం చేశారని అన్నారు. శ్రీ పురుష సమానత్వం కోసం కృషి చేశాడని అన్నారు.అంతేకాకుండా మానవ హక్కులను పరిరక్షించడం ప్రతి ఒక్కరి బాధ్యత అని,సమాజంలోని చెడును ప్రారదోలి మంచిది ప్రేరేపించేందుకు నేషనల్ హ్యూమన్ రైట్స్ కౌన్సిల్ ఎన్జీవో ముందుంటుందని వారన్నారు. ఈ కార్యక్రమంలో జాతీయ మానవ హక్కుల మండలి స్వచ్ఛంద సేవ సంస్థ సభ్యులు నక్క గంగారాం, వీరమల్ల సందీప్, నాగరాజ్ చౌహాన్,తాళ్లపల్లి మల్లేష్, మెరుగు సందీప్ కుమార్,తండాల రాజు,జుమ్మడి జనార్ధన్, తలారి రాజేష్ తదితరులు పాల్గొన్నారు.