మిర్యాలగూడ, ఏప్రిల్ 23 (క్విక్ టుడే న్యూస్):- స్థానిక మిర్యాలగూడ పట్టణంలో వాసవినగర్ నందు ఎస్వి మోడల్ హై స్కూల్ నందు నర్సరీ నుంచి పదో తరగతి వరకు చదివిన విద్యార్థి కుమ్మరి వంశి మంగళవారం నాడు ప్రకటించిన ఇంటర్మీడియట్ ద్వితీయ సంవత్సరం పరీక్ష ఫలితాలలో 992 మార్కులు సాధించి రాష్ట్రస్థాయిలో 4వ ర్యాంకు సాధించడం జరిగింది. మిర్యాలగూడ పట్టణ ఎమ్మెల్యే బత్తుల లక్ష్మారెడ్డి వంశి ని సన్మానించి స్వీట్స్ తినిపియడం జరిగింది. ఈ సందర్భంగా లక్ష్మారెడ్డి మాట్లాడుతూ వంశి చదువులో రాణించాలని, ఇట్టి విజయానికి సహకరించిన పాఠశాల బృందానికి మరియు వంశి కి వారి తల్లిదండ్రులకు అభినందనలు తెలిపారు. పాఠశాల కరస్పాండెంట్ ఓరుగంటి శ్యాంసుందర్ మాట్లాడుతూ మా ఎస్వి మోడల్ హై స్కూల్  చదువుకున్న విద్యార్థులు సాఫ్ట్ వేర్, బ్యాంకు, పోస్టలు డిపార్ట్మెంట్లో వివిధ రంగాలలో మంచి ఉద్యోగాలు సాధించి మంచి పేరు సంపాదించుకుంటున్నారు. ఇట్టి విద్యార్థుల విజయాలకి తోడుపడుతున్న పాఠశాల ఉపాధ్యాయ బృందానికి ప్రత్యేక కృతజ్ఞతలు తెలిపారు. ఈ కార్యక్రమంలో వాసవి క్లబ్ ఐపిసి మాశెట్టి శ్రీనివాస్, పాఠశాల డైరెక్టర్ ఓరుగంటి విశాలాక్ష్మి, ఇంచార్జ్ నాగలక్ష్మి పాల్గొన్నారు.