కేసముద్రం మే 01(క్విక్ టుడే న్యూస్):- అంతర్జాతీయ కార్మిక దినోత్సవం మేడే సందర్భంగా ఎంసిపిఐ అనుబంధ ఎఐసిటియు ఆధ్వర్యంలో కేసముద్రంలో గురువారం మేడే ఉత్సవాలు ఘనంగా నిర్వహించారు. ఈ సందర్భంగా స్థానిక పూలే సెంటర్లో పార్టీ జెండాను ఎంసిపిఐ పార్టీ మండల కార్యదర్శి మరిపెళ్లి మొగిలి,  కార్మిక సంఘం జెండాను ఎఐసిటియు జిల్లా అధ్యక్షురాలు ఇరుప ప్రియాంక ఆవిష్కరించారు. ఈ సందర్భంగా ఎంసిపిఐ పార్టీ మండల కార్యదర్శి మర్రిపెల్లి మొగిలి మాట్లాడుతూ 1886లో చికాగో నగరంలో కార్మికుల ప్రాణ త్యాగంతోనే మేడే ఆవిర్భవించిందని తెలిపారు. ఆనాడు 10 గంటల పని రద్దుచేసి 8 గంటల పని విధానం కోసం పోరాటాలు చేసి ప్రాణాలోదిలారని అని తెలిపారు. ప్రస్తుత కేంద్రంలోని బిజెపి ప్రభుత్వం ఏళ్ల తరబడి కార్మికులు సాధించుకున్న హక్కులను కాలరాస్తూ కార్పొరేట్ పెట్టుబడిదారీ వర్గాలకు మద్దతుగా నాలుగు లేబర్ కోడ్ లుగా మార్చిందని అన్నారు. నాలుగు లేబర్ కోడ్ ల విధానంతో కార్మికుల హక్కులన్నీ హరించి వేస్తూ మళ్ళీ శతాబ్దాల కాలం నాటి పరిస్థితులు ఏర్పడుతూ కార్మికులు శ్రమదోపిడికి గురికావాల్సివస్తుందని ఆరోపించారు. మే డే స్ఫూర్తితో కార్మికుల హక్కుల కోసం పోరాటాలు చేయాలని పిలుపునిచ్చారు. ఈ కార్యక్రమంలో  పార్టీ నాయకులు జాటోత్ బిచ్యా నాయక్, దయ్యాల కుమారస్వామి,  కొనతం రాంచందర్, సపావత్ లింభానాయక్, వాంకుడోత్ మొగిలి, వాంకుడోత్ శ్రీను, కేసముద్రం విలేజ్ గ్రామ పార్టీ కార్యదర్శి ఉల్లి ప్రతాప్, అమీనాపురం గ్రామ పార్టీ కార్యదర్శి రమ, సుశీల తదితరులు పాల్గొన్నారు.