విశాఖ ఉమ్మడి జిల్లా బ్యూరో(క్విక్ న్యూస్):-అనకాపల్లి జిల్లా పరవాడ మండలం కేంద్రమైన.వాడ చీపురుపల్లి నాయుడుపాలెం గ్రామం ఉన్న ఉత్తరాంధ్ర బీసీ సంక్షేమ సంఘం ఉపాధ్యక్షులు కూం‌డ్రపు కృష్ణంనాయుడు శుక్రవారం ప్రకటనలో సూచించారు. వేసవి సెలవుల నేపథ్యంలో పిల్లల పట్ల తమ తల్లిదండ్రులు పూర్తి అప్రమత్తంగా వ్యవహరించాలని ఎండాకాలం స్కూలు సెలవు దినంల‌లో పిల్లలు తమ గ్రామీణ ప్రాంతాల్లోని ఉన్న, చెరువుల్లో నూతల్లో ఈతల కొట్టడానికి తల్లి తండ్రి తెలియకుండానే వెళ్ళిపోతారు. అందుకనే ముందుగానే  తగు జాగ్రత్తలు పిల్లలపై తీసుకోవాలని , అవసరమైతే భద్రత ఏర్పాట్లు కలిగిన స్విమ్మింగ్ పూల్ తీసుకువెళ్లి పిల్లలు కోరిక తీర్చాలని అన్నారు. ఎండల తీవ్రత అధికంగా ఉన్నందున సాధ్యమైనంత వరకు పగటిపూట పిల్లలను బయటకు పంపవద్దని, తప్పనిసరైతే వడదెబ్బ బారిన పడకుండా జాగ్రత్తలు తీసుకోవాలని  పేర్కొన్నారు. వేసవి సెలవులు వృధా చేయకుండా సద్వినియోగం చేసుకునే దిశగా పిల్లలకు మార్గనిర్దేశం చేయాలని కృష్ణంనాయుడు తెలిపారు. వినోదంతో విజ్ఞానం పెంపొందించడానికి పిల్లల అభీష్టం మేరకు స్పోర్ట్స్ అండ్ గేమ్స్, సంప్రదాయ నృత్యాలు, చదరంగం, స్విమ్మింగ్ వంటి వాటిలో శిక్షణ ఇప్పించాలని. పిల్లల్లో దాగివున్న వ్యక్తిగత నైపుణ్యాలను వెలికితీసేందుకు కూడా వేసవి సెలవులు దోహదం చేస్తాయని, ఆ దిశగా తల్లిదండ్రులు దృష్టి సారించాలని అని ఉత్తరాంధ్ర బిసి సంక్షేమ సంఘం ఉపాధ్యక్షులు కూండ్రపు కృష్ణం నాయుడు కోరారు.