మేడిపల్లి, మే 1 (క్విక్ టుడే న్యూస్):- పీర్జాదిగూడ మున్సిపల్ కార్పొరేషన్ పరిధిలోని మేడిపల్లి సర్వేనెంబర్ 29, 30 సాయి నగర్ కాలనీ లో వరంగల్ హైవే నుండి కాలనీ లోనికి వచ్చే మున్సిపాలిటీ ముప్పై ఫీట్ల రోడ్డు గత 30 సంవత్సరాల నుండి ఉంది ఈ రోడ్డును చూపించి కాలనీలో పలు అపార్ట్మెంట్లు నిర్మించడం జరిగింది ఈ రోడ్డును చూసి కాలనీలో ప్రజలు ప్లాట్లు కొనుగోలు చేశారు ఈ రోడ్డుపై నిత్యం సుమారు వంద కుటుంబాలు ప్రయాణం కొనసాగిస్తారు ఈ రోడ్డులో మున్సిపల్ కార్పొరేషన్ వారు వేసిన డ్రైనేజీ పైపులైను, కరెంటు లైన్, వాటర్ లైన్ ఉంది.  ఒకతను తమ ప్లాటని కబ్జా చేసి రోడ్డుకు అడ్డంగా బేస్మెంట్ నిర్మాణం చేస్తున్నాడు. వెంటనే కాలనీవాసులు అందరూ కలిసి దానిని తొలగించాలని మున్సిపల్ అధికారులకు లిఖితపూర్వకంగా మరియు హైడ్రా కమిషనర్ కు ట్విట్టర్ వేదికగా ఫిర్యాదు చేశారు. హైడ్రా అధికారులు వెంటనే స్పందించి కబ్జా గురైన ప్రాంతానికి విచ్చేశారు వారి వెంట మున్సిపల్ అధికారులు కూడా వచ్చారు. కాలనీవాసులు వారి వద్ద ఉన్న పత్రాలు హైడ్రా అధికారికి చూపించి రోడ్డు కబ్జాకు గురికాకుండా కాపాడాలని కోరారు రోడ్డుకు అడ్డంగా నిర్మిస్తున్న బేస్మెంట్ ను తొలగించాలని వేడుకున్నారు. వారు సమస్య పరిష్కారం అయ్యే విధంగా చేస్తామని తెలిపారని కాలనీవాసులు పేర్కొన్నారు.. ఈ కార్యక్రమంలో కాలనీవాసులు ప్రవీణ్ రాథోడ్, జైపాల్ రెడ్డి, యుగంధర్ రావు,  సోమయ్య, వెంకటేశ్వరరావు, సత్తిరెడ్డి, బుచ్చిరెడ్డి, వెంకటా చారి, అశోక్, తదితరులు పాల్గొన్నారు.