పీర్జాదిగూడ‌, ఏప్రిల్ 26 (క్విక్ టుడే న్యూస్‌):-విద్యార్థులకు ఉపాధ్యాయులు మార్గదర్శకులని,  దేశభవిష్యత్తు, నిర్మాణం ఉపాధ్యాయుల చేతుల్లోనే ఉన్నదని, విద్యతోనే దేశం అభివృద్ధి చెందుతుందని మాజీ మంత్రి చామకూర మల్లారెడ్డి అన్నారు. పీర్జాదిగూడ మున్సిపల్ కార్పొరేషన్ పరిధిలో ఉప్పల్ టీచర్స్ వెల్ఫేర్ అస్సోసియేషన్ అధ్యక్షులు వి. శ్రీనివాస్ రెడ్డి అధ్యక్షతన నిర్వహించిన సర్వ సభ్య సమావేశం & దశాబ్ది ఉత్సవాలలో ముఖ్య అతిధులుగా మాజీ మంత్రివర్యులు, మేడ్చల్ శాసనసభ్యులు చామకూర మల్లారెడ్డి,ఎమ్మెల్సీ పింగళి శ్రీపాల్ రెడ్డి, మాజీ మేయర్ జక్క  వెంకట్ రెడ్డి, బోడుప్పల్ బీఆర్ఎస్  అధ్యక్షులు మంద సంజీవ రెడ్డి పాల్గొన్నారు. ఈ సందర్బంగా ఆయన మాట్లాడుతూ.. టెక్నాలజీ విద్యా రంగాన్ని మార్చివేసింది, ఇది ఉపాధ్యాయుల పాత్రను కూడా అభివృద్ధి చేసింది.విద్యార్థులను భవిష్యత్ శ్రామిక శక్తికి అనుగుణంగా సిద్ధం చేయడానికి, ఉపాధ్యాయులు సాంకేతికతను పాఠ్యాంశాల్లో సమర్థవంతంగా అనుసంధానించాల్సిన అవసరం ఉంది. ఉపాధ్యాయులు శిక్షణ కార్యక్రమాల్లో పాల్గొనాలి, సాంకేతిక వనరులను ఉపయోగించాలి, మరియు విద్యార్థుల అభిరుచులకు అనుగుణంగా పాఠ్యాంశాలను రూపకల్పన చేయడంద్వారా విద్యార్థులు భవిష్యత్తులో విజయవంతమవుతారు. ఈ కార్యక్రమంలో మాజీ కార్పొరేటర్లు దొంతిరి హరిశంకర్ రెడ్డి,మధుసూదన్ రెడ్డి, సింగిరెడ్డి పద్మారెడ్డి, బీఆర్ఎస్ ప్రధాన కార్యదర్శి ఏడవల్లి రఘువర్ధన్ రెడ్డి యూటీఏ ప్రధాన కార్యదర్శి ఆకుల వనజ, కార్యవర్గ సభ్యులు, ఉపాధ్యాయులు తదితరులు పాల్గొన్నారు.