Beerla Ailaiah : శివాజీ పోరాట పటిమను యువత ఆదర్శంగా తీసుకోవాలి

ప్రభుత్వ విప్, ఆలేరు ఎమ్మెల్యే బీర్ల ఐలయ్య

గుండాల, క్విక్ టుడే : చత్రపతి శివాజీ పోరాట పటిమ‌ను యువత ఆదర్శంగా తీసుకోవాలని ఆలేరు ఎమ్మెల్యే ప్రభుత్వ విప్ బీర్ల ఐలయ్య అన్నారు. రామారం గ్రామంలో ఆలేరు బ్లాక్ కాంగ్రెస్ అధ్యక్షుడు ఈరసరపు యాదగిరి గౌడ్ ఏర్పాటు చేసిన ఛత్రపతి శివాజీ విగ్రహా ప్రారంభోత్సవ కార్యక్రమానికి ముఖ్య అతిథిగా హాజరై ఆయ‌న మాట్లాడారు. చత్రపతి శివాజీ చిన్నతనంలోనే హిందూ మతం పట్ల మహిళలపై జరుగుతున్న దాడులను వ్యతిరేకిస్తూ తన ధైర్య సహ‌సాన్ని చూపించారని గుర్తుచేశారు. త‌ల్లిదండ్రులు ఎంతో కష్టపడి చదివిస్తున్నారని, యువత చెడు అలవాట్లకు గురి కాకుండా వారి కలలను నెరవేర్చాలన్నారు, గ్రామాభివృద్ధి లో యువత కీలక పాత్ర పోషించాలన్నారు,

2013 -F

ఎన్నికలప్పుడే గ్రామాల్లో రాజకీయాలు చేయాలని ఎలక్షన్ అయిన తర్వాత గ్రామాభివృద్ధి కోసం అందరు కలిసికట్టుగా నడవాలని అన్నారు. రామారం గ్రామాన్ని దత్తత తీసుకొని ఆదర్శంగా తీర్చిదిద్దుతానని అన్నారు. గ్రామాల్లో ఏర్పాటు చేస్తున్న ఛత్రపతి శివాజీ మహారాజ్ విగ్రహాలు ఉన్న గ్రామాలలో దేశభక్తి పుష్కలంగా ఉంటుందని అన్నారు. గ్రామస్తుల ఐక్యతకు దోహదపడుతున్న‌ ఈ విగ్రహం ఏర్పాటుచేసిన వీరసరపు యాదగిరి గౌడ్ ను గ్రామస్తులు అభినందించగా.. కార్య నిర్వాహకుడు యాదగిరి ధన్యవాదాలు తెలిపారు, ఈ కార్యక్రమంలో పిసిసి రాష్ట్ర నాయకులు జనగాం ఉపేందర్ రెడ్డి, సింగిల్ విండో చైర్మన్ లింగాల భిక్షం, ఏలూరు రామ్ రెడ్డి ఆల్ట డైరెక్టర్ ఉమ్మడి దశరథ, గ్రామస్తులు మచ్చ నాగిరెడ్డి, లక్ష్మణ్ కార్యనిర్వాహకులు పాల్గొన్నారు.