బోడుప్ప‌ల్‌, ఏప్రిల్25 (క్విక్ టుడే న్యూస్‌):-క‌శ్మీర్లో పహల్గాం టూరిస్టులపై ఉగ్రదాడిని ఖండిస్తూ బోడుప్పల్ మున్సిపల్ కార్పొరేషన్ పరిధిలో మాజీ మేయర్ తోటకూర అజయ్ యాదవ్ ఆధ్వర్యంలో కాగడాల ప్రదర్శనలో మాజీ కార్పొరేటర్ సింగిరెడ్డి పద్మా రెడ్డి  పాల్గొనడం జరిగింది. ఉగ్ర మూకలు  దాడిని ఖండిస్తూ కాంగ్రెస్ పార్టీ కార్యాలయం నుంచి అంబేద్కర్ బొమ్మ వరకు దాడిలో మృతి చెందిన వారి కుటుంబాలకు ప్రగాఢ సానుభూతి తెలుపుతూ పెద్ద ఎత్తున కాగడాల ప్రదర్శన చేపట్టారు. ప్రశాంతంగా ఉన్న క‌శ్మీర్ లోయలో ఉగ్రముకలు చేసిన దాడిలో అమాయకులు మృతి చెందారు మృతి చెందిన వారి  కుటుంబాలను కేంద్ర ప్రభుత్వం ఆదుకోవాలని మాజీ మేయర్ అజయ్ యాదవ్ కోరారు. దొంగ దెబ్బతీసిన ఉగ్రవాదులపై కఠిన చర్యలు తీసుకోవాలని డిమాండ్ చేశారు. మరోసారి ఇలాంటి ఘటనలు జరగకుండా కొట్టుదిట్టమైన భద్రత ఏర్పాట్లను చేయాలని కోరారు. ఈ కార్యక్రమంలో బోడుప్పల్ కాంగ్రెస్ పార్టీ అధ్యక్షులు పోగుల నరసింహ రెడ్డి, కాంగ్రెస్ సీనియర్ నాయకులు కొత్త కిషోర్ గౌడ్, మాజీ కార్పొరేటర్లు, కాంగ్రెస్ సీనియర్ నాయకులు, మహిళా నాయకురాలు, కార్యకర్తలు సంఘీభావం తెలుపుతూ పెద్ద ఎత్తున పాల్గొన్నారు.