మిర్యాలగూడ, మే 11 (క్విక్ టుడే న్యూస్):-తెలంగాణ రాష్ట్రంలో విద్యా వ్యవస్థ వ్యాపార వ్యవస్థగా మారడాన్ని తీవ్రంగా వ్యతిరేకిస్తున్నాం. ఈ సందర్భంగా మిర్యాలగూడలో బీసీ యువజన సంఘం రాష్ట్ర వర్కింగ్ ప్రెసిడెంట్ తిరుమలగిరి అశోక్ మాట్లాడుతూ విద్యాహక్కు చట్టం 2009 ప్రకారం ప్రైవేటు కార్పొరేట్ పాఠశాలలో 25 శాతం పేద విద్యార్థులకు ఉచిత విద్యని అందించాలని, నిబంధనలు ఉన్న వాటి అమలు మాత్రం నేటికీ శూన్యం, తెలంగాణ రాష్ట్రంలో పుట్టగొడుగుల పుట్టుకొస్తున్న కార్పొరేట్ మాఫియా దోపిడిని అరికట్టడంలో నేటికీ ప్రభుత్వాలు విఫలం అయ్యాయని అన్నారు. ప్రైవేటు పాఠశాలల్లో పేద విద్యార్థులు చదువుకునే అవకాశం ఈ తెలంగాణ రాష్ట్రంలో లేకుండా పోయిందని, అడ్మిషన్ల పేరిట పెద్ద మొత్తంలో విద్యార్థుల తల్లిదండ్రుల దగ్గర నుండి డబ్బులు వసూలు చేయడమే కాక, పాఠశాల ఫీజులు అత్యధికంగా ఉండడం వలన పేద, మధ్యతరగతి విద్యార్థులు ప్రైవేటు పాఠశాల విద్య కి నోచుకోలేని పరిస్థితి ఏర్పడింది. ప్రభుత్వం ఈసారైనా పేద విద్యార్థుల పక్షాన ఆలోచన చేసి విద్యాహక్కు చట్టం ప్రకారం ప్రతి ప్రైవేటు పాఠశాలలో 25% పేద విద్యార్థులు చదువుకునేలా చర్యలు తీసుకొని, అమలు చేసే బాధ్యత ప్రభుత్వానిదే, ప్రైవేటు పాఠశాలలో విద్యార్థులను చదివించాలి అంటే తల్లిదండ్రులు అప్పులు చేసి పిల్లల్ని చదివించుకోవాల్సిన పరిస్థితి ఏర్పడ్డదని, విద్యా ని వ్యాపారం చేసి లక్షల రూపాయలు దోసుకుంటున్న యాజమాన్యాల పై చట్టరీత్యా చర్యలు తీసుకోకపోతే, ప్రభుత్వంపై ఆందోళనలు చేస్తామని హెచ్చరించారు. ఈ కార్యక్రమంలో జయరాజ్, మురళీ యాదవ్, ఉపేందర్, గంగాధర్ తదితరులు పాల్గొన్నారు.