సృష్టిలో తల్లి ప్రేమను మించింది ఏమీ ఉండదు

దామరచర్ల, మే 11 (క్విక్ టుడే న్యూస్):- సృష్టిలో తల్లి ప్రేమను మించింది ఏమీ ఉండదని ఎమ్మెల్సీ కేతావత్ శంకర్ నాయక్ అన్నారు. మదర్స్ డే సందర్భంగా ఆదివారం నల్గొండ జిల్లా దామరచర్ల మండలం దిలావూర్పూర్ గ్రామ పరిధిలోని కేతావత్ తండాలో తన తల్లి కేతావత్ హాషా విగ్రహానికి పూలమాలలు వేసి నివాళులర్పించారు. అనంతరం ఆయన మాట్లాడుతూ తల్లిదండ్రులు దైవంతో సమానమని అన్నారు. అమ్మ లేకపోతే జననం లేదు..గమనం లేదు. ఈ లోకంలో ప్రతి ఒక్కరికి తొలి గురువు తల్లేనని కొనియాడారు. పుట్టినప్పటినుంచి నడక నేర్పే వరకు ప్రతి అడుగులో అమ్మ తోడ్పడుతుంది అన్నారు. ఈ ప్రపంచంలో తల్లి ప్రేమకు సమానమైనది మరొకటి లేదని స్పష్టం చేశారు. చిన్నప్పటినుంచి తమ పిల్లల కోసం ఎన్నో త్యాగాలు చేస్తారని గుర్తు చేశారు. తన తల్లిదండ్రులు కీ:శే: కేతావత్ వీర్యా నాయక్ - హాషా కష్టపడడం వల్లనే తాను ఈ స్థాయిలో ఉన్నానని పేర్కొన్నారు. ఈ సందర్భంగా మదర్స్ డే శుభాకాంక్షలు తెలిపారు.

IMG-20250511-WA0126