పీర్జాదిగూడ‌, ఏప్రిల్ 21 (క్విక్ టుడే న్యూస్‌):-ఎగ్జిబిషన్ లు ఎంజాయ్ కి అడ్డాగా మారుతున్నాయి. చిన్నా పెద్దా తేడా లేకుండా ఎగ్జిబిషన్లు న‌గ‌ర ప్ర‌జ‌ల‌ను ఆనందంలో ముంచెత్తుతున్నాయి.. ఇదే త‌ర‌హాలో మేడ్చ‌ల్ మ‌ల్కాజిగిరి జిల్లా పీర్జాదిగూడ మున్సిప‌ల్ కార్పొరేష‌న్ ప‌రిధిలోని ఉప్ప‌ల్ డిపోకు అత్యంత స‌మీపంలో ప్ర‌ధాన రోడ్డుపై ఏర్పాటు చేసిన కేఆర్‌సీ ట్రేడ్ ఫెయిర్ ఎగ్జిబిష‌న్ న‌గ‌ర‌వాసుల‌ను అబ్బుర‌ప‌రుస్తోంది. భారీ సెట్టింగ్ లతో ఏర్పాటు చేసిన ఈ ఎగ్జిబిషన్ అంద‌రినీ ఆకర్షిస్తోంది. మొట్ట మొదటిసారిగా మ్యూజిక ల్ వాటర్ ఫౌంటెన్  లేజర్ షోను ఏర్పాటు చేశారు. ఈ ఎగ్జిబిషన్ లో హస్తకళలు, చిత్రలేఖనాలు, సాంకేతిక ఉత్పత్తులు, చిన్న‌పిల్ల‌ల‌కు ఎంజాయ్ చేసేందుకు జాయింట్ వీళ్లు, బోటింగ్‌ త‌దిత‌రాలు ప్రత్యేకంగా నిలిచాయి. దేశంలోని వివిధ ప్రాంతాల నుండి వచ్చిన కళాకారులు, వ్యాపారులు తమ ప్రత్యేకమైన ఉత్పత్తులను ఇక్కడ ప్రదర్శిస్తు న్నారు. సందర్శకులకు ఇది ఒక విభిన్నమైన అనుభూతిని కలిగిస్తోంది. ప్ర‌తిరోజు సాయంత్రం 5నుంచి 10 గంట‌ల వ‌ర‌కు సంద‌ర్శ‌కుల‌కు అనుమ‌తిస్తున్నారు. ఒక్కొక్క‌రికీ  ప్ర‌వేశ రుసుము రూ.70 చొప్పున వ‌సూలు చేస్తున్నారు. నిత్యం వివిధ పనుల్లో ప్రజలు బిజీ బిజీ గా ఉండే వారి కోసం సాయంత్రం వేళల్లో కుటుంబంతో పాటు పిల్లలతో కలిసి ఆడుతూ పాడుతూ ఎంజాయ్ చేస్తూ కాస్త సేద తీరటానికి ఇది ఎంతో తోడ్ప‌డుతుంది. అస‌లే స‌మ్మ‌ర్ కావ‌డంతో సాయంత్రం ఆహ్లాద‌క‌ర వాతావ‌ర‌ణంలో ఎంజాయ్ చేయ‌డానికి వీలుంటుంది. వయసుతో పని లేకుండా ప్రతి ఒక్కరూ ఈ ఎగ్జిబిషన్లో ఎంజాయ్ చేసే విధంగా వివిధ రకాల జాయింట్ వీల్స్‌, కొలంబోరైడ్స్, బోటింగ్ వంటివి ఏర్పాటు చేశారు. అంతేకాకుండా కుటుంబంతో కలిసి సరదాగా ఫోటోలు తీసుకునేందుకు వీలుగా లైటింగ్ కూడా ఏర్పాటు చేశారు.

మ‌హిళ‌లు, చిన్నారుల‌కు ప్ర‌త్యేకంగా  బ్యాగులు, ఆట‌వ‌స్తువులు, దుస్తులు స‌రియైన ధ‌ర‌ల‌తో నాణ్య‌మైనవి అందుబాటులో ఉన్నాయి. ర‌క‌ర‌కాలైన ఆహార ప‌దార్థాలు, తినుబండారాలు కూడా ఎంజాయ్ చేసేందుకు నిర్వాహ‌కులు సంద‌ర్శ‌కుల‌కు అందుబాటులో ఉంచారు. మ‌రి ఇంకా ఆలస్యం ఎందుకు..?.. ఎంజాయ్ చేసేందుకు ఇక్క‌డికి వెంట‌నే చేరుకుని సాయంత్రం పూట స‌ర‌దాగా గ‌డిపేయండి.